У крыві памерлага магіляўчаніна судмедэксперты выявілі канцэнтрацыю метылавага спірту, якая ў шэсць разоў перавышае смяротную. Больш падрабязна аб правядзенні экспертыз расказала афіцыйны прадстаўнік упраўлення ДКСЭ па Магілёўскай вобласці Ірына Рачкоўская, паведамляе БелТА.
Па выніках судова-медыцынскіх экспертыз, праведзеных ва ўпраўленні ДКСЭ па Магілёўскай вобласці, устаноўлена наяўнасць у крыві памерлага мужчыны метанолу ў канцэнтрацыі больш за 6 праміле, тады як смяротнай лічыцца канцэнтрацыя 0,9 праміле. Эксперты-хімікі даследавалі вадкасць з бутэлькі — у ёй таксама знойдзены метанол.
У Магілёўскай вобласці гэта ўжо другі сёлета выпадак смяротнага атручэння метылавым спіртам. У лютым у Магілёве па месцы свайго жыхарства з гэтай жа прычыны памёр 40-гадовы мужчына. Вядома, што ён злоўжываў спіртным.
Дзяржаўныя медыцынскія судовыя эксперты нагадваюць, што метылавы спірт, хоць і падобны да этылавага па смаку і паху і таксама выклікае ап’яненне, вельмі небяспечны для чалавека. У невялікіх дозах ён выклікае страту зроку і паражэнне нервовай сістэмы, часам прыводзяць да інваліднасці. Пры ўжыванні значнай колькасці метанолу (небяспечнай лічыцца доза ад 50 мл) узнікае вострае атручэнне, якое прыводзіць да смерці.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
