У Беларусі 29 сакавіка праходзіць адзіны дзень бяспекі дарожнага руху пад назвай «Рух па правілах — аснова бяспекі!». Асаблівую ўвагу Дзяржаўтаінспекцыя ўдзяліць удзельнікам дарожнага руху, якія перамяшчаюцца на сродках персанальнай мабільнасці. Аб гэтым паведамілі ў Міністэрстве ўнутраных спраў.
«З пацяпленнем на дарогах стала больш і аматараў мотатранспарту. Рэзкае павелічэнне колькасці ДТЗ з іх удзелам фіксуецца менавіта ў пачатку сезона. Да цяжкіх выннікаў прыводзіць язда без шлема, кіраванне без правоў або ў стане ап’янення, перавозка пасажыраў звыш прадугледжанай колькасці. Летась з удзелам матацыклістаў было ўчынена 350 ДТЗ, у якіх 41 чалавек загінуў і 245 атрымалі раненні», — расказала начальнік аддзялення ГУ ДАІ МУС Вераніка Раманькова.
ДАІ папярэджвае, што ў сувязі з павелічэннем інтэнсіўнасці руху на загарадных дарогах вадзіцелям неабходна быць вельмі ўважлівымі ў шчыльным транспартным патоку. Ім трэба выбіраць бяспечную хуткасць руху з улікам канкрэтнай дарожнай абстаноўкі, адмовіцца ад неабдуманых перабудаванняў, абгонаў, апярэджанняў і рэзкіх тармажэнняў, забяспечыць бяспечную перавозку дзяцей і прыфастрыгоўваць рамянямі бяспекі ўсіх, хто знаходзіцца ў аўтамабілі.
У выхадныя і святочныя дні па ўсёй краіне Дзяржаўтаінспекцыя будзе працаваць ва ўзмоцненым рэжыме. Асноўны акцэнт — на бяспецы дарожнага руху ў месцах масавага знаходжання грамадзян падчас рэлігійных мерапрыемстваў каталіцкага Вялікадня. Нарады ДПС арыентаваны на аказанне дапамогі грамадзянам.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
