Беларусь і Расія павінны разам адказваць на сучасныя тэхналагічныя выклікі. Аб гэтым заявіў дзяржаўны сакратар Саюзнай дзяржавы Дзмітрый Мезенцаў у час экспертна-медыйнага форуму «Саюзная дзяржава. Навуковы прарыў», перадае БелТА.
«З 4 лістапада 2021 года праведзена каласальная работа, якую вызначылі нацыянальныя лідары Беларусі і Расіі, падпісаўшы 28 саюзных праграм. Сярод гэтых дакументаў — тыя базавыя, якія вызначаюць супрацоўніцтва ў сферы прамысловасці, аграпрамысловага комплексу, у сферы інфармацыйнай бяспекі, у галіне стварэння аб’яднаных энергарынкаў і іншых», — сказаў Дзмітрый Мезенцаў.
Стратэгія навукова-тэхналагічнага развіцця Саюзнай дзяржавы да 2035 года была зацверджана на пасяджэнні Вышэйшага дзяржаўнага савета 29 студзеня 2024 года ў Санкт-Пецярбургу. «Гэта абавязвае ўрады, міністэрствы, ведамствы, прадпрыемствы вызначыць для сябе тыя задачы, без вырашэння якіх ні Расія, ні Беларусь не змогуць быць канкурэнтаздольнымі, не змогуць адказваць адэкватна, хутка, значна і важка на сучасныя выклікі, на фарміраванне новага тэхналагічнага ўкладу. Важна таксама вызначыць фармат і межы магчымасцяў штучнага інтэлекту», — сказаў Дзмітрый Мезенцаў.
Ён адзначыў, што ў галіне навукі наладжана сумесная работа Курчатаўскага інстытута, Расійскай акадэміі навук, Нацыянальнай акадэміі навук Беларусі, адукацыйных ведамстваў Беларусі і Расіі, ВНУ, навуковых цэнтраў.
Прэв'ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
