Вы здесь

Дачка Альманскіх балот


Малая радзіма для паляшучкі Праскоўі ПАЛУКОШКІ — гэта найперш яе вёска Альманы — старажытнае паселішча на краі балота, найвялікшага ў Еўропе. Тут яна нарадзілася, скончыла школу, стварыла сям'ю. Стала не толькі ўмелай гаспадыняй, але і сапраўдным майстрам па лозапляценні, удзельнічае ў вясковых, раённых і абласных святах. Таму ў паняцці малой радзімы для Праскоўі тоіцца яшчэ і крыніца яе натхнення. Працавітая жанчына пераняла найлепшае ад самабытных альманцаў, якія стагоддзямі вучыліся не толькі выжываць у неспрыяльных умовах прыроды, але і стварылі непаўторную палеска-альманскую культуру, захавалі спрадвечныя звычаі і традыцыі, рамёствы і промыслы, карыстаюцца сваім непаўторным дыялектам і асаблівасцямі мовы, не забываюць фальклор — песні, казкі, легенды і балады. Жанчыны-альманкі і да сёння носяць святочныя строі. На гэтым фотаздымку дачка альманскіх балот дэманструе і свае мастацка-побытавыя вырабы: кашы, карзіны і тарабан — вялікі кош з сасновай дранкі (шчапы), і альманскі строй, у які ўваходзяць традыцыйныя кашуля-вышыванка (з шоўку), камізэлька, спадніца з коснікамі (стужкамі), фартушок з кветкамі, вышытымі крыжыкам.


Альманскія балоты — таксама малая радзіма Праскоўі. І нездарма фонам для фота сталі купіны і балотныя трыснягі. Балота, на якое з маленства хадзіла збіраць ягады — летам чарніцы, восенню — журавіны, Праскоўя, як ніхто, ведае. Ведае і часта распавядае, што на дзясяткі кіламетраў балотнай прасторы не сустрэнеш ніводнай жывой душы. Толькі некранутая прырода!

Анатоль КЛЯШЧУК, фота аўтара

Выбор редакции

Спорт

Дочь олимпийского чемпиона Сергея Мартынова может повторить успех отца

Дочь олимпийского чемпиона Сергея Мартынова может повторить успех отца

«Главное, наверное, то, что на стрельбе жизнь не заканчивается...»

Общество

Победители конкурса «Семья года — 2019» о главном в семейном счастье

Победители конкурса «Семья года — 2019» о главном в семейном счастье

Елена и Сергей Николаевы, а также их пятеро детей все еще под влиянием своей триумфальной победы.

Экономика

Налоги на землю и недвижимость нужно заплатить до 15 ноября

Налоги на землю и недвижимость нужно заплатить до 15 ноября

Тем, кто просрочит или забудет внести налог, грозит штраф, пени и в исключительных случаях вас могут не выпустить из страны.