Вы здесь

Лукашэнка прыняў удзел у цырымоніі адкрыцця матча Еўропа — ЗША


Матчавая сустрэча па лёгкай атлетыцы, бадай, самая важная спартыўная падзея восені ў Беларусі. Доказ таму і колькасць знакамітых атлетаў-удзельнікаў спаборніцтва, і запоўненыя гледачамі трыбуны стадыёна «Дынама». У падрыхтоўцы грандыёзнай дзеі ўдзельнічалі еўрапейская, міжнародная лёгкаатлетычныя асацыяцыі, беларуская федэрацыя гэтага віду спорту і органы ўлады. Як сведчанне асаблівага стаўлення беларусаў да спорту — удзел у адкрыцці матча Прэзідэнта краіны.


Вітаючы ўдзельнікаў міжкантынентальнага спаборніцтва на спартыўнай арэне, якая нядаўна была пляцоўкай для адкрыцця і закрыцця іншага маштабнага спартыўнага форуму — ІІ Еўрапейскіх гульняў, Аляксандр Лукашэнка адзначыў: «Упершыню ў гісторыі лёгкай атлетыкі адбудзецца сустрэча Еўропы і Злучаных Штатаў Амерыкі. Прымаць гэтыя маштабныя спаборніцтвы для нас вялікі гонар і магчымасць успомніць легендарнае мінулае стадыёна «Дынама». Стадыёна, дзе выступалі легенды спорту мінулага стагоддзя — савецкія і амерыканскія атлеты. Тады матчавая сустрэча СССР — ЗША стала прыкладам сумленнай і бескампраміснай барацьбы», — сказаў Прэзідэнт Беларусі. А галоўнае значэнне той падзеі, на думку лідара краіны, што яна стала сімвалам імкнення да палітычнай раўнавагі і мірнага саперніцтва паміж вялікімі дзяржавамі. І сёння падобныя спартыўныя спаборніцтвы здольныя мяняць палітычную сітуацыю да лепшага.

«Упэўнены, што беларуская гасціннасць і цёплая сустрэча гледачоў дапамогуць вам прадэманстраваць на арэне максімум сваіх магчымасцяў. Безумоўна, мы будзем горача падтрымліваць усіх спартсменаў. Гэта ў характары талерантных і адкрытых свету беларусаў. Мы дакладна ведаем, што, хто б ні перамог, мы — мільёны балельшчыкаў з усяго свету — станем сведкамі нараджэння новых легендаў лёгкай атлетыкі», — падкрэсліў Аляксандр Лукашэнка.

У 2021 годзе такі ж матч павінен адбыцца ў ЗША, але ў гэтай краіне будзе праводзіцца і Чэмпіянат свету. З гэтай нагоды Прэзідэнт краіны прапанаваў арганізатарам сустрэчы правесці яе яшчэ раз у Беларусі.

Учора на стадыёне адбыліся спаборніцтвы ў 18 дысцыплінах. Усяго на «Дынама» ў 37 дысцыплінах будуць змагацца за перамогу 304 спартсмены.

Марыя ДАДАЛКА

Фота БелТА

Название в газете: Спорт яднае кантыненты

Выбор редакции

Экономика

Разработчики — о новом Налоговом кодексе Республики Беларусь

Разработчики — о новом Налоговом кодексе Республики Беларусь

В прошлом году Налоговый кодекс Беларуси претерпел существенные изменения.

Общество

Как будет проходить перепись населения

Как будет проходить перепись населения

Председатель Национального статистического комитета Инна МЕДВЕДЕВА отмечает, что их ведомство рассчитывает переписать максимальное количество граждан с помощью внедренных инноваций.