Ёсць такая прафесія — Радзіму абараняць. Але за кожным, хто абраў гэты шлях, стаіць свая гісторыя. Гісторыя пра тое, як учарашні хлопчык становіцца афіцэрам. У нашым выпадку іх адразу двое — браты Андрэй і Вадзім Брыцікі сёння курсанты Ваеннай акадэміі Рэспублікі Беларусь. Напярэдадні Дня абаронцаў Айчыны мы пагаварылі з імі аб абавязку, сям’і і аб тым, што для іх значыць быць вайскоўцамі.

Насамрэч у нас выдатныя тавары: натуральныя, якасныя, майстэрскія. І госці з дружалюбных і не зусім лаяльных краін зайздросцяць, што ў нас ёсць такая прадукцыя. І з задавальненнем 
яе купляюць. Святая праўда. Чаму ж доля рэалізацыі айчынных тавараў на ўнутраным рынку вымушае жадаць найлепшага? І гэта яшчэ мякка кажучы. Вядома, можна па традыцыі зваліць віну на гандаль, што безадказна ігнаруе айчыннае, прасоўваючы імпартнае, якое і па якасці будзе горшым, і па натуральнасці сыравіны часта прайграе. Але, мяркую, час паглядзець на праблему суадносін імпарту і айчыннага, іх папулярнасці з пункту гледжання спажыўца. І імкнуцца выпускаць не проста якасныя, але яшчэ і запатрабаваныя тавары.

Каля тыдня таму ў TіkTok прыкметна актывізавалася абмеркаванне тэмы магчымага знікнення з беларускіх аўтазаправак бензіну АІ-92. Дастаткова ўвесці ў пошуку сацсеткі «92-гі бензін», як алгарытм тут жа прапануе працяг: «прападзе», «прыбяруць», «няма»...

У беларускай Феміды — жаночы твар. Гэта адзначыў старшыня Вярхоўнага Суда Андрэй ШВЕД на ўрачыстай цырымоніі прывядзення да прысягі маладых суддзяў агульнай юрысдыкцыі, упершыню прызначаных на адказную пасаду. Дарэчы, з 14 новых прадстаўнікоў судзейскага корпуса 13 — маладыя жанчыны. Менавіта з гэтага моманту яны атрымліваюць права ажыццяўляць правасуддзе і насіць судзейскую мантыю.

Удзельнікі круглага стала «Жывое багацце Беларусі», які прайшоў у Доме прэсы, гаварылі не толькі пра тое, як беларуская мова сёння запатрабавана ў розных сферах грамадства, але і паспрабавалі прадугадаць, як яна будзе развівацца.

З улікам зваротаў спажыўцоў МАРГ праверыў рынак дастаўкі ежы і выявіў шэраг парушэнняў з боку некаторых суб’ектаў, паведамілі ў ведамстве.

Адзін з прыярытэтаў профільнага міністэрства — развіццё біржавога гандлю, і студзеньскія вынікі работы Беларускай універсальнай таварнай біржы гэта пацвярджаюць. Як паведамілі ў прэс-службе ведамства, у першым месяцы года праведзена 259 гандлёвых сесій, агульная сума заключаных здзелак перавысіла 1,19 мільярда рублёў, што на 2 % больш, чым у студзені мінулага года. Асабліва прыкметна вырас экспарт: аб’ём здзелак дасягнуў амаль 500 мільёнаў рублёў, дадаўшы 13 % да студзеня 2025 года.

У рабочай павестцы Прэзідэнта Беларусі тэма забеспячэння бяспекі краіны знаходзіць сваё месца пастаянна. Асабліва ў апошні час, калі геапалітычная сітуацыя і дзеянні заходніх і паўднёвых суседзяў прымушаюць прымаць меры, каб Беларусь магла працягваць жыць спакойным мірным жыццём. Мы не збіраемся ні на каго нападаць, але абараняць сваю зямлю гатовы. Гэта думка гучыць лейтматывам усіх мерапрыемстваў, якія праводзяцца, — будзь то пастаноўка на ўзбраенне «Арэшніка» або раптоўная праверка Узброеных Сіл. Усе яны праходзяць па распараджэнні Прэзідэнта і пад яго асабістым кантролем. Аляксандр Лукашэнка часта гаворыць аб бяспецы, прычым не толькі на нарадах з сілавікамі. Разам з экспертамі напярэдадні Дня абаронцаў Айчыны асэнсоўваем цытаты кіраўніка дзяржавы на гэты конт.

Мерапрыемства стала добрай традыцыяй для Міністэрства замежных спраў, а свята — нагода для таго, каб разам ушанаваць роднае слова, падзяліцца любоўю да беларускай культуры і паэзіі. Усяго вечар аб’яднаў больш за 100 гасцей з 30 краін.

Штогод у РНПЦ дзіцячай анкалогіі, гематалогіі і імуналогіі ўкараняюцца новыя сучасныя тэхналогіі ў аказанні дапамогі. У тым ліку дзякуючы ім у краіне каля 80 % дзяцей з анкалагічнымі дыягназамі паспяхова вылечваюцца. Такія паказчыкі ў лячэнні маюць толькі развітыя краіны з высокім узроўнем даходу, у краінах з нізкім і сярэднім узроўнем даходу ад раку ўдаецца вылечыць усяго каля 30 % дзяцей. Пра новыя метады ў лячэнні расказала намеснік дырэктара па клініцы РНПЦ дзіцячай анкалогіі, гематалогіі і імуналогіі, кандыдат медыцынскіх навук, дацэнт, галоўны пазаштатны дзіцячы анкагематолаг Міністэрства аховы здароўя Іна ПРАЛЯСКОЎСКАЯ.

Ці магчыма падлічыць колькі слоў у беларускай мове? Ужо не адно пакаленне даследчыкаў вывучае пісьмовыя крыніцы, працуе ў архівах, стварае слоўнікі, ездзіць з экспедыцыямі, каб паспець запісаць жывую гаворку, і нават сёння мова працягвае «прырастаць» новымі словамі. З сабранымі скарбамі мы можам пазнаёміцца дзякуючы разнастайным слоўнікам. Але нас яшчэ чакае столькі адкрыццяў! Усё сабранае раней трэба яшчэ вывучыць і асэнсаваць, прычым не толькі даследчыкам мовы.

У нашу краіну 17 лютага з афіцыйным візітам прыбыла парламенцкая дэлегацыя Зімбабвэ на чале са Старшынёй Сената Парламента Рэспублікі Зімбабвэ Мэйбл Мемары Чынамонай.

Карэспандэнты «Звязды» працягваюць падарожжа па Беларусі, каб пазнаёміцца з праектамі, якія былі рэалізаваны ў рамках конкурсу грамадзянскіх ініцыятыў. Гэтым разам мы пабывалі ў Смаргонскім раёне.

Рабочы дзень старшыні Магілёўскага абласнога Савета дэпутатаў, члена Пастаяннай камісіі Савета Рэспублікі па міжнародных справах і нацыянальнай бяспецы Аляксандра Гарошкіна, распісаны па хвілінах — гэта і прыёмы грамадзян, і сустрэчы ў працоўных калектывах, і маніторынгі гандлёвых аб’ектаў і ўстаноў аховы здароўя. Чужых пытанняў і праблем для дэпутата не існуе. Не менш адказная работа ў парламенце, дзе прымаюцца важныя для грамадства законы. Якія пытанні прыходзіцца вырашаць і якія задачы ставіць, расказаў «МС» сенатар.

Сёлета Мінскі гарадскі педагагічны каледж адзначае сваё дзесяцігоддзе. Маладая, але вельмі запатрабаваная сярод абітурыентаў установа адукацыі прайшла сур'ёзны шлях станаўлення. Спачатку набор ажыццяўляўся ўсяго на дзве спецыяльнасці, сёння — на пяць. Спецыялістаў тут рыхтуюць па прынцыпе трох «п»: педагог, патрыёт, прафесіянал. «Гэтыя тры грані — аснова ўсяго», — адзначае дырэктар каледжа Вольга ГУЗАВА. Карэспандэнты «Звязды» завіталі ў каледж і пераканаліся, што такая формула сапраўды прыносіць вынік.

Узровень злачыннасці сярод непаўналетніх за апошнія васямнаццаць гадоў дасягнуў свайго гістарычнага мінімуму. Напрыклад, у параўнанні з 2007-м колькасць учыненых непаўналетнімі злачынстваў скараціліся ў шэсць разоў, а ў параўнанні з 2024-м — на 26 %. Знізілася і колькасць пацярпелых ад злачынстваў дзяцей — на 9 %. Пры гэтым актуальнай застаецца праблема ўцягвання непаўналетніх ва ўчыненне злачынстваў з выкарыстаннем інтэрнэту. Летась такія злачынствы ўчыніў кожны дзявяты падлетак. Вялікая колькасць дзяцей пацярпела ад махляроў у інтэрнэце. Спецыялісты расказалі пра распаўсюджаныя схемы падману і спосабы ад іх засцерагчыся.

Падчас работы ў сваёй Свіслацкай выбарчай акрузе № 95, у якой пражывае каля 65 тысяч выбаршчыкаў, член Пастаяннай камісіі па міжнародных справах Палаты прадстаўнікоў Аляксандр Шпакоўскі належную ўвагу ўдзяляе кожнаму пытанню. «Задача дэпутата — наладзіць канструктыўнае ўзаемадзеянне і з выбаршчыкамі, і з мясцовымі выканаўчымі органамі ўлады», — такога меркавання прытрымліваецца Аляксандр Паўлавіч.

Праект праграмы быў распрацаваны з улікам тых заўваг, якія прагучалі на нарадах, праведзеных Прэзідэнтам Аляксандрам Лукашэнкам па пытаннях становішча спраў у Віцебскім рэгіёне. Кіраўнік дзяржавы зрабіў акцэнт на выратаванне вобласці праз павышэнне выканаўчай дысцыпліны, забеспячэнне годных умоў працы, мадэрнізацыю сельскай гаспадаркі і ўхіленне падзяжу грамадскай сельскагаспадарчай жывёлы.