Падрыхтоўка да новага навучальнага года ў поўным разгары. Мяркуючы па чатах у сацсетках, сабраць дзіця ў школу — выпрабаванне яшчэ тое. Некаторыя абураюцца цэнамі, маўляў, можа не хапіць і тысячы беларускіх рублёў! А як яно ёсць на самай справе, карэспандэнт «Звязды» вырашыла высветліць на школьным рынку, які разгарнуўся на Пушкінскім праспекце ў Магілёве.

У бліжэйшую суботу, 22 жніўня, у Гродзенскай вобласці адбудуцца два маштабныя святы: бульба-фэст «Воранаўскі дранік» і «Ганненскі кірмаш» у Зэльве. Арганізатары абодвух абяцаюць гасцям цікавую праграму і шмат яркіх уражанняў.

Каля дзвюх з паловай гадзін доўжылася ажыўленая гутарка жыхароў Маладзечна з ваенным экспертам Андрэем Багадзелем у рамках інфармацыйна-асветніцкага праекта «Пульс краіны: факты, трэнды, сэнсы». 

Тое, што прырода можа падкінуць нечаканыя і непрыемныя сюрпрызы, мы пераканаліся мінулай зімой. Але дарогі, ад стану якіх залежыць вельмі многае — ад бяспекі іх карыстальнікаў да стабільнай жыццядзейнасці эканомікі, — павінны функцыянаваць незалежна ад сезона і ў любое надвор'е. Дзякуючы таму, што дарожныя арганізацыі Беларусі кожны год рыхтуюцца да зімы з лета, закладваючы пры падрыхтоўцы матэрыялаў і тэхнікі ўсе магчымыя пагодныя рызыкі, летась наступствы снежнай стыхіі ім удалося ліквідаваць хутка і без страт, у штатным рэжыме.

Цікавы феномен 1941 года — разумнае самаўпраўства шэрагу дырэктараў заводаў абароннай галіны, якія прынялі самастойнае рашэнне па вывазе магутнасцяў і кадраў на ўсход. 

На думку загадчыка Цэнтра кампетэнцый тэхналогій сельскай гаспадаркі і меліярацыі на базе Смілавіцкага дзяржаўнага каледжа Сцяпана Кончыца, для сучаснай тэхнікі патрэбны ўжо не механізатар, а аператар. Ён не толькі кіруе самаходнымі машынамі ў полі, але і разумее прынцып іх дзеяння, знаёмы з асновамі аграноміі. Бо задачу яму ставяць спецыялісты гэтай галіны, але настройваюць тэхніку адпаведным чынам, выконваюць аперацыі і сочаць за іх дакладнасцю людзі на трактарах і камбайнах. Таму яны павінны ведаць прынцыпы функцыянавання тэхнікі (валодаць пэўнымі інжынернымі ведамі) і асноўныя этапы вегетацыі раслін, валодаць пэўнымі кампетэнцыямі ў ІT-тэхналогіях. На думку ж вядучага інжынера ТАА «Тэхналогіі земляробства» Віктара ДЗЯМ’ЯНАВА, аптымальна, калі індустрыялізацыя сельскай гаспадаркі адбываецца з двух бакоў: зверху — праз прыняцце адпаведных дзяржаўных праграм, і знізу — калі сістэма адукацыі арыентуецца на самыя сучасныя веды, якія маладыя спецыялісты будуць рэалізоўваць у гаспадарках і ствараць попыт на новыя тэхналогіі.

Беларускі ВУП накіраваўся да мэтавага паказчыка: па выніках сямі месяцаў ён павялічыўся на 2,1 %. Добра спрацавала сельская гаспадарка (+12,9 %), рознічны гандаль (+8,1 %). 
У дадатную зону нарэшце выйшла прамысловасць (+0,1 %), на 1,9 % у студзені — чэрвені вырас грузаабарот. Сваю лепту ў рост эканомікі ўнеслі інвестыцыі ў асноўны капітал — +4 %. Прычым апераджальнымі тэмпамі растуць выдаткі на набыццё машын, абсталявання і транспартных сродкаў — +7,4 %. Інвестыцыйны цыкл пачаў актыўна раскручвацца. Для гэтага ёсць і нарматыўна-прававая, і фінансавая базы.

Нацыянальны статыстычны камітэт парадаваў: у першым паўгоддзі мы сталі жыць лепш. Намінальная заработная плата ў студзені — чэрвені вырасла на 13,2 % у параўнанні з аналагічным перыядам 2025 года, рэальная (з улікам інфляцыі) — на 7,5 %. Рэальныя наяўныя грашовыя даходы за першае паўгоддзе павялічыліся на 8 %. Пры гэтым інфляцыя знаходзіцца ў прымальным калідоры: у ліпені індэкс спажывецкіх цэн да снежня склаў 103,2 %, да ліпеня мінулага года — 104,4 %. Рост даходаў апярэджвае дынаміку і ВУП, і прадукцыйнасці працы. Класічным з’яўлялася меркаванне, што гэта прыводзіць да дысбалансаў і немінучых наступстваў. Але супрацоўнікі Навукова-даследчага эканамічнага інстытута Міністэрства эканомікі правялі адпаведныя даследаванні. І высветлілася: даходы могуць расці, не ствараючы дысбалансу, паколькі сучасная эканоміка ў сілу шэрагу фактараў становіцца эканомікай дарагой працы. Адпаведна, мяняецца мадэль і ўнутраныя ўзаемасувязі.

Лічбавізацыя як ключавы інструмент для забеспячэння празрыстасці, даступнасці і эфектыўнасці закупачных працэдур, які дазваляе зніжаць карупцыйныя рызыкі і спрашчаць узаемадзеянне ўдзельнікаў. Што з’яўляецца праўдай, а што міфам у правядзенні тэндараў і закупак. Пра гэта распавялі эксперты на «Першым інфармацыйным».