Сеткавае выданне zviazda.by

Новы рабочы тыдзень кiраўнiка дзяржавы пачаўся з актуалiзацыi задач па развiццi сталiцы. Прэзiдэнт Беларусi Аляксандр Лукашэнка прыняў з дакладам старшыню Мiнскага гарвыканкама Уладзiмiра Кухарава. Мiнск задае тон усёй краiне, таму ўсе аспекты развiцця сталiцы знаходзяцца ў полi зроку i пад пiльным кантролем кiраўнiка дзяржавы.

Вось ужо восьмы раз беларусы становяцца гледачамі сапраўды ўнікальнага і захапляльнага канцэрта-рэквіема пад сімвалічнай назвай «Кожны трэці». Гэтым разам гасцінныя дзверы Палаца Рэспублікі зноў адкрыліся для мінчан. Яно і не дзіўна, бо, як адзначаюць арганізатары, аднаго канцэрта для двухмільённай сталіцы сапраўды недастаткова. Акрамя таго, сённяшнімі гледачамі канцэрта сталі пераважна прадстаўнікі маладога пакалення. Музыка, дакументальныя кадры і факты з мінулага — усё гэта стала для юных гледачоў не проста пастаноўкай, а асабістым перажываннем і напамінам аб найважнейшых старонках беларускай гісторыі.

Мінск чарговы раз расчыніў дзверы для 27-га Belarus Fashion Week. З 9 па 11 красавіка Dipservice Hall стаў не проста прафесійнай пляцоўкай для беларускіх фэшн-спецыялістаў, але і сапраўдным святам моды для дызайнераў, іх адданых кліентаў і партнёраў! Аднак, BFW — гэта не толькі подыумныя дэфіле і смелыя fashion-рашэнні, гэта яшчэ і платформа для добрых спраў, аб’яднаных любоўю да стылю і жаданнем дапамагаць.

Вызначэнне лепшых у прафесіі — справа не новая. Аднак звычайна ў такіх мерапрыемствах удзельнічаюць паспяховыя студэнты і масцітыя працаўнікі прадпрыемстваў. Цяпер жа паспрабаваць свае сілы ў конкурсе прафмайстэрства можна з самага ранняга ўзросту — у сталіцы прайшоў І Мінскі чэмпіянат прафесійнага майстэрства школьнікаў «Мінскія майстраняты», арганізатарам якога выступіў камітэт па адукацыі Мінгарвыканкама.

«У пачатку было Слова...» Гэтыя евангельскія радкі, мабыць, знаёмыя кожнаму адукаванаму чалавеку. І не паспрачаешся — каштоўнасць мастацкага слова відавочная нават у нашы «лічбавыя» часы: усё часцей у тым жа метро можна заўважыць людзей, якія чытаюць менавіта папяровыя кнігі.

На працягу гэтага тыдня ў Палацы Рэспублікі вечарам шматлюдна. З розных куткоў краіны з’язджаюцца беларусы, каб на свае вочы ўбачыць, па-першае, шэраг выставачных праектаў, прымеркаваных да 80-годдзя Вялікай Перамогі, і, безумоўна, канцэрт-рэквіем «Кожны трэці» — па даручэнні Прэзідэнта яго пакажуць усім рэгіёнам краіны. У аўторак вечарам праграму паглядзелі прадстаўнікі сталіцы.

Канцэрт-рэквіем «Кожны трэці», які праходзіць на гэтым тыдні штодня ў Палацы Рэспублікі, убачаць прадстаўнікі ўсіх рэгіёнаў Беларусі. У панядзелак вечарам яго паглядзелі прадстаўнікі Віцебшчыны — славутага партызанскага краю, радзімы легендарных Канстанціна Заслонава і Бацькі Міная і месца гераічнай аперацыі «Прарыў» супраць фашысцкай блакады.

Наступнае свята хлебаробаў — абласныя «Дажынкі» на Міншчыне — пройдуць у адным з самых старажытных гарадоў нашай краіны, горадзе-музеі пад адкрытым небам — Заслаўі. І, здавалася б, да восені яшчэ ёсць час, работы па падрыхтоўцы горада да святкавання абласных «Дажынак» набіраюць тэмпы ўжо сёння. Пасля комплекснага добраўпарадкавання перад горадам будуць стаяць адказныя задачы: з размахам правесці фестываль-кірмаш і на сваім прыкладзе паказаць, якой павінна быць сталіца Мінскай вобласці. Для таго, каб пракантраляваць падрыхтоўку да абласных «Дажынак», у аўторак было арганізавана пасяджэнне штаба. Удзел у яго рабоце ўзяў старшыня Мінскага аблвыканкама Аляксей Кушнарэнка. Карэспандэнт «Звязды» далучыўся да адказнай нарады і пастараўся высветліць, чым будзе здзіўляць жыхароў і гасцей горад Заслаўе падчас святкавання галоўнага свята хлебаробаў.

Як расказаў дырэктар ДУ «Сталічны транспарт і сувязь» Юрый Супрановіч, да канца 2025 года плануецца ўкараненне сістэмы аплаты праезду ў наземным транспарце з дапамогай банкаўскіх картак: «Мы спадзяёмся рэалізаваць у бягучым годзе магчымасць аплаты праезду банкаўскай карткай на наземным транспарце. Гэта звычайная зарплатная картка, якой чалавек зможа карыстацца без дадаткаў», — растлумачыў спікер.

Узаконьванне самавольных пабудоў і самавольна занятых зямельных участкаў — менавіта гэта тэма стала галоўнай на чарговым пасяджэнні Мінскага абласнога Савета дэпутатаў. Гэта сапраўды сур’ёзная тэма, бо за ёй стаіць велізарная работа, пра якую кажуць лічбы. Так, пры правядзенні інвентарызацыі ў 2022 і 2023 гадах па ўсёй краіне выяўлена звыш 284 тысяч фактаў самавольнага заняцця зямель. Прычым большая частка іх — у Мінскай вобласці.