Сеткавае выданне zviazda.by

Трагічна скончылася для 59-гадовага бабруйчаніна сустрэча з 43-гадовым земляком, які папрасіў цыгарэту. Ён груба адмовіў незнаёмцу і пачалася драка. Ад удару мужчына ўпаў тварам у лужыну і заціх. Апанент спрабаваў яго выратаваць, вызваў хуткую дапамогу, але бабруйчанін памёр. 

Беларускія парламентарыі выказалі ўдзячнасць Партугальскай камуністычнай партыі (ПКП) за распаўсюджванне ў Еўропе праўдзівай інфармацыі пра Беларусь, заявіў старшыня Пастаяннай камісіі па міжнародных справах Палаты прадстаўнікоў Сяргей Рачкоў на сустрэчы з дэлегацыяй Партугальскай камуністычнай партыі і дэпутатамі партугальскага парламента — членамі ПКП, перадае БелТА.

Беларуская дэлегацыя на чале з начальнікам Дэпартамента міжнароднага ваеннага супрацоўніцтва — памочнікам міністра абароны па пытаннях міжнароднага ваеннага супрацоўніцтва Валерыем Равенкам знаходзіцца з рабочым візітам у Бангкоку, паведамілі БелТА ў прэс-службе Міністэрства абароны Беларусі.

У якім выпадку мужу і жонцы трэба абаім заплаціць падатак за кватэру, расказаў БелТА на прэс-канферэнцыі намеснік начальніка галоўнага ўпраўлення падаткаабкладання фізічных асоб - начальнік упраўлення падаткаабкладання маёмасці і прадпрымальніцкай дзейнасці фізічных асоб Міністэрства па падатках і зборах Дзяніс Церашкоў.

Вынесены прысуд 44-гадовай гараджанцы, якая ўхілялася ад кампенсацыі сродкаў, затрачаных дзяржавай на ўтрыманне яе сыноў, якія знаходзяцца на дзяржзабеспячэнні, паведамляе агенцтва «Мінск-Навіны».

Сумны факт: сусветная эканоміка пачынае мілітарызавацца. У той час як грамадзянскія сектары адчуваюць усё большыя складанасці, гандаль зброяй расце, павялічваюцца выдаткі на розныя ваенныя пастаўкі: ад ануч да спецыяльнай арматуры для будаўніцтва магутных сховішчаў. І самае трывожнае, што гэты працэс рызыкуе стаць самаўзнаўляльным. З аднаго боку, бяспека сёння стаіць на першым плане ва ўсіх рэгіёнах. Міжнародная напружанасць нарастае, таму ўзмацненне ваеннай кампаненты выглядае цалкам лагічным, калі і не заўсёды апраўданым. З другога боку, эканамічны рост у значнай ступені падаграваецца пашырэннем мілітарызацыі. У наяўнасці так званае ваеннае кейнсіянства, калі ваенныя пастаўкі ствараюць попыт у прамысловасці і іншых сферах. У кароткатэрміновым перыядзе гэта дазваляе загрузіць тыя ці іншыя магутнасці, нават стварыць бачнасць дабрабыту. Але гэта толькі маскіруе сістэмныя і прынцыповыя праблемы і складанасці, якія назапасіліся ў светагаспадарчай сістэме.

На разгляд у суд накіравана крымінальная справа ў дачыненні да 35-гадовай раней судзімай гараджанкі, якую абвінавачваюць у здзяйсненні махлярства, паведамляе агенцтва «Мінск-Навіны».

Кітай інвесціраваў больш за 110 мільёнаў юаняў у праект па захаванні і выкарыстанні старажытных рукапісаў, у тым ліку рукапісаў на пальмавым лісці палаца Патала ў Сіцзанскім аўтаномным раёне (САР, Паўднёва-Заходні Кітай, перадае «Сіньхуа».