Сеткавае выданне zviazda.by

Каторы дзень у асяроддзі збеглых стаіць несусветнае выццё адносна таго, што грамадскія дзеячы Літвы заклікалі ўлады забараніць беларусам выкарыстоўваць сімвал «Віціс» (па-нашаму «Пагоня») як на іх сувенірных пашпартах (інакш гэта непаразуменне і не назавеш), так і ў любой іншай форме ў афіцыйным кантэксце.

Некалі раней гаспадаром у хаце лічыўся муж, мужчына. Ён зарабляў грошы, ён жа іх размяркоўваў. Жонка, жанчына займалася выхаваннем дзяцей, даглядала гаспадарку, шыла, прала, ткала... Да грошай, можна сказаць, не датыкалася.

На мінулым тыдні беларускі біятлон неверагодна парадаваў сваіх аматараў. На базе Рэспубліканскага цэнтра алімпійскай падрыхтоўкі па зімовых відах спорту «Раўбічы» прайшоў Кубак наймацнейшых спартсменаў. Ужо сам факт правядзення гэтага турніру прынёс радасць, у Беларусі, шчыра кажучы, засумавалі па прыгожаму біятлону. А нашы спартсмены памножылі добры настрой і ўражанні — беларускія біятланісты заваявалі 12 узнагарод Кубка. Каб дадаць пазітыву і самім героям спаборніцтваў, у «Раўбічах» прайшло ўшанаванне спартсменаў, трэнераў і спецыялістаў, без якіх свята спорту было б немагчымым.

У рубрыцы «Хроніка Вялікай Перамогі» дзень за днём разам са «Звяздой» далёкага 1945 года мы ідзём да светлай і святой даты 9 Мая.

Што можа лепш расказаць пра нейкую знакавую гістарычную падзею, чым дакументальныя сведчанні? Толькі дакументальныя сведчанні, аформленыя ў жывыя журналісцкія публікацыі. Менавіта таму сваім чытачам аб падзеях васьмідзесяцігадовай даўнасці, калі Перамога была так блізка, але кожны крок да яе быў паліты крывёю савецкіх салдат, мы вырашылі расказаць праз публікацыі «Звязды». Нашы калегі-папярэднікі рабілі газету ў разбураным Мінску, не маючы нават і блізка тых тэхнічных магчымасцяў, якія маем мы сёння. Але пры гэтым паспявалі кожны дзень даць сваім чытачам поўную карціну таго, што адбывалася на франтах, і паказаць, як наша амаль знішчаная, але няскораная фашыстамі Беларусь вяртаецца да жыцця.

Святочны канцэрт з віншаваннямі і кветкамі стаў падарункам тым, хто сваёй працавітасцю і стараннасцю садзейнічаў дасягненню новых вяршынь у сацыяльна-эканамічным развіцці Магілёўшчыны. У Палацы культуры вобласці агучылі прозвішчы 14 прадстаўнікоў розных галін дзейнасці, якія атрымалі званне «Чалавек года», і назвалі тры раёны, што сталі пераможцамі штогадовага спаборніцтва па сацыяльна-эканамічным развіцці.

Турнір тыдня. У «Раўбічах» завяршыўся галоўны старт сезона-2024/25 для беларускіх біятланістаў — Кубак мацнейшых спартсменаў. На дамашнім старце беларусы заваявалі 12 медалёў — па чатыры кожнай вартасці. Тры залатыя медалі сабраў Антон Смольскі, ён перамог у спрынце, пасьюце і мас-старце. Дзінара Смольская заваявала «серабро» ў спрынце і гонцы пераследавання. Дзмітрый Лазоўскі заняў другое месца ў мас-старце. Ілья Аўсеенка заняў трэцяе месца ў спрынтарскай гонцы, Сцяпан Данілаў — у гонцы пераследавання, Ірына Шаклеіна — у мас-старце. Акрамя таго, сямейны дуэт Дзінары і Антона Смольскіх перамог у сінгл-міксце, а Ганна Сола і Ілья Аўсеенка сталі ў гэтым відзе праграмы другімі. Гэтая чацвёрка таксама заняла трэцяе месца па выніках змешанай эстафеты. З такім выдатным выступленнем нашу каманду павіншаваў кіраўнік дзяржавы.

Кожную гадзіну з канвеера завода «БЕЛДЖЫ» сыходзіць 15 аднайменных легкавых машын. Летась з пляцоўкі завода выехала больш за 91 тысячу аўтамабіляў Belgee, з якіх каля 26 тысяч было прададзена ў Беларусі, і прыблізна 67 тысяч адправілася ў Расію, расказала намеснік дырэктара па маркетынгу і продажам СЗАТ «БЕЛДЖЫ» Наталля Харкова. Сёлета выпуск аўто для беларускага рынку плануецца павялічыць мінімум на 15 %. Сёння па дарогах нашай краіны ездзіць каля 70 тысяч Belgee. Мы пабывалі ў цэхах завода і даведаліся, як збіраюць Belgee, ці могуць аўтааматары давяраць беларускай якасці і якія спажывецкія прадузятасці ўдалося пераадолець.

Раніцай 23 лютага каля стэлы «Мінск — горад-герой» адбылася ўрачыстая цырымонія ўскладання кветак, прысвечаная Дню абаронцаў Айчыны і Узброеных Сіл Беларусі. Удзел у цырымоніі ўзяло кіраўніцтва горада і прадстаўнікі сілавых ведамстваў краіны. Карэспандэнты «Звязды» далучыліся да слаўнай традыцыі.

Беларус Антон Смольскі стаў пераможцам заключнай гонкі на Кубку мацнейшых спартсменаў па біятлону ў «Раўбічах», паведамляе БелТА.