Сеткавае выданне zviazda.by

Вучоныя плануюць вывесці беларускую пароду коз. Аб гэтым расказала начальнік галоўнага ўпраўлення інтэнсіфікацыі жывёлагадоўлі і рыбагаспадарчай дзейнасці Мінсельгасхарча Наталля Соніч, паведамляе БелТА.

Першы маладзёжны экіпаж-тысячнік вызначыўся ў Пружанскім раёне, паведаміла БелТА афіцыйны прадстаўнік ЦК БРСМ, Куратар рэспубліканскага праекта «Моладзь — за ўраджай» Таццяна Максімавіч.

Першыя камбайны на Лёзненшчыне выйшлі ў палі ў Дзень Незалежнасці. Напэўна, гэта сімвалічна, бо харчовая бяспека і незалежнасць — паняцці ўзаемна абумоўленыя. Але аграрыі глядзяць не на даты календара, а на стан раслін і надвор’е. І ўсё ж свята ў адным з самых усходніх раёнаў Беларусі атрымалася двайным. Збор ураджаю нездарма называюць «бітвай», але акрамя напружання ўсіх сіл гэта яшчэ натхненне і надзея. Зямля дзякуе чалавеку за клопат, аддае свайму гаспадару плады яго працы.

Лета сёлета хоць і не вельмі спякотнае, але для аграрыяў традыцыйна — пара гарачая. Уборачная кампанія — найважнейшы этап сельскагаспадарчых работ, які вызначае ў выніку вагу рэспубліканскага каравая, а калі больш глабальна, — стан харчовай бяспекі краіны. І гэты этап нязменна знаходзіцца пад пільнай увагай Прэзідэнта Беларусі Аляксандра Лукашэнкі. Абавязковая традыцыя ўборачнай кампаніі — тэматычная селектарная нарада кіраўніка дзяржавы з усімі адказнымі за жніво — ад міністраў да старшынь райвыканкамаў. На сувязі з Палацам Незалежнасці — уся краіна. 

У дзень, калі мы прыехалі ў Лідскі раён, з раніцы там стаяў густы туман пасля начнога дажджу: іх гэтым летам надвор’е пасылае шчодра. Але гадзін да 11 туман стаў рассейвацца, у прасветы хмар выглянула сонца. Падняўся лёгкі ветрык, і ўжо бліжэй да поўдня збожжаўборачныя камбайны КСУП «Беліца-Агра» дружна выехалі ў поле, а літаральна ўслед за імі падкаціў УАЗ кіраўніка гаспадаркі Віктара Сінкевіча. Старшыня на свае вочы хацеў паглядзець, як стартуе чарговы дзень жніва.

Аграметэаралагічныя ўмовы садзейнічаюць павелічэнню працягласці наліву зерня, што спрыяльна адаб’ецца на паўнаважкасці коласа.

У Беларусі ўбрана 90,4 тыс. га азімага ячменю — 36,9% уборачнай плошчы. Аб гэтым піша БелТА.