Навiны
Наша фінансавая адукаванасць амаль не выходзіць за рамкі рэшткавага зберажэння
Інстытут сацыялогіі НАН Беларусі правёў чарговае маштабнае даследаванне па заказе Нацбанка. Сваю работу эксперты прарабілі на аснове вялікага апытання, у якім удзельнічалі грамадзяне з усёй краіны. Гэта былі прадстаўнікі трох сацыяльных груп: моладзь, эканамічна актыўнае насельніцтва і пенсіянеры. Даследаванне выявіла, што больш за 64 % беларусаў не фіксуюць даходы і выдаткі. Яшчэ сацыёлагі пазначылі прабелы ў сферы персанальных фінансаў ва ўсіх трох групах.
Вынікі археалагічных і навуковых даследаванняў стануць адкрытыя для шырокіх колаў грамадства
Розныя этапы гісторыі краіны будуць адлюстраваны ў экспазіцыі новага Нацыянальнага гістарычнага музея, работы па будаўніцтве якога, згодна з адпаведным указам Прэзідэнта, павінны пачацца сёлета. Пакуль гаворка пра праект — мяркуецца, што сам будынак будзе займаць каля 20 тысяч квадратных метраў. Разглядаецца і сімвалічнае ўвасабленне ў прасторы — у выглядзе карты Беларусі. Пра гэта паведаміў дырэктар Інстытута гісторыі Нацыянальнай акадэміі навук Беларусі Вадзім Лакіза.
На мове музыкі — пра Халакост
Доктар мастацтвазнаўства, выкладчык Гродзенскага дзяржаўнага музычнага каледжа, прафесар Гродзенскага дзяржаўнага ўніверсітэта імя Янкі Купалы Інеса Двужыльная вядома ў нашай краіне і за яе межамі фундаментальнымі даследаваннямі тэмы Халакосту ў акадэмічнай музыцы краін былога Савецкага Саюза. Даследаванні надзвычай цікавыя. За імі стаяць два дзесяцігоддзі напружанай працы. Грунтоўна вывучаліся архіўныя матэрыялы і апублікаваныя крыніцы на рускай, англійскай, нямецкай, польскай, украінскай мовах. Былі глыбока прааналізаваны рукапісы музычных твораў, а таксама праведзена гіганцкая работа па апрацоўцы аўдыя- і відэавізуальных запісаў, інтэрв’ю, гутарак і перапіскі з кампазітарамі і іх сваякамі, выканаўцамі, музыказнаўцамі, этнамузыколагамі, якія займаюцца рознымі пытаннямі ашкеназскай музычнай культуры. Шмат інфармацыі Інеса Двужыльная чэрпала падчас замежных стажыровак у адукацыйных цэнтрах Халакосту, музеях розных краін (Расіі, Ізраіля, Украіны, Германіі, Францыі, Польшчы, Літвы, Латвіі). Несумненна, вялікае значэнне мае падтрыманне асабістых кантактаў з вядучымі гісторыкамі пазначанай тэмы.
Удзел у выбарах Прэзідэнта Рэспублікі Беларусь плануюць прыняць 85,5 % беларусаў
Беларусы дэманструюць электаральную актыўнасць: апытанне Цэнтра сацыяльна-гуманітарных даследаванняў Беларускага дзяржаўнага эканамічнага ўніверсітэта пацвярджае, што абсалютная большасць жыхароў нашай краіны збіраецца пайсці на выбары, падтрымлівае палітыку, якую праводзіць дзеючы кіраўнік дзяржавы, і з аптымізмам глядзіць у будучыню. Атрыманыя даныя сацыялагічнага даследавання, якое праводзілася ў снежні 2024 года, прадставіла кіраўнік Цэнтра сацыяльна-гуманітарных даследаванняў БДЭУ Ірына Лашук.
МНС нагадвае аб правілах бяспекі на лёдзе
Пакуль адны жартуюць пра адлігу зімой, іншыя выпрабоўваюць сябе на смеласць — выходзяць на лёд, які дзе-нідзе ўсё-такі ўтварыўся. Менавіта да такіх жартаўнікоў у сваім акаўнце TіkTok з іроніяй звяртаецца і Міністэрства па надзвычайных сітуацыях, апублікаваўшы відэа пра адзінокага чалавека на льдзіне, вакол якога — вада. Гучыць песня са знакамітага мультфільма. І надпіс з тэкстам: «Не выходзь на лёд, калі ты не маманцяня».
