Сеткавае выданне zviazda.by

Незабыўны след у Мастах пакінуў абласны фестываль «Дажынкі», які адбыўся ў лістападзе мінулага года. Стан горада быў высока ацэнены кіраўніком краіны. Можна сказаць, што гарадское аблічча значна змянілася. А сёлета тут зноў ёсць нагода для гонару. Завяршаецца рэканструкцыя ўнікальнага пешаходнага маста праз Нёман — самага доўгага ў Беларусі. Аб тым, якія набыткі атрымаў горад летась і што яго чакае ў найбліжэйшы час — у інтэрв’ю са старшынёй Мастоўскага райвыканкама Андрэем Санько.

Адным з галоўных багаццяў тут лічаць зямельныя рэсурсы, і, вядома, нездарма. Эканамічнае і сацыяльна-культурнае развіццё Мастоўскага раёна залежыць ад сельскагаспадарчай вытворчасці. Тое, як спрацуе жывёлагадоўчая галіна, што вырасце на палях, і будзе падмуркам, на якім будуецца эканамічны дабрабыт раёна.

Мясцовыя Саветы дэпутатаў ужо актыўна ўключыліся ў рэалізацыю Года добраўпарадкавання. Але, як падкрэсліла старшыня Гродзенскага абласнога Савета дэпутатаў Алена Пасюта, работа гэта ніколі не спынялася, таму што пытанні, звязаныя з навядзеннем парадку, стварэннем камфортных умоў для жыцця насельніцтва і грамадзянскімі ініцыятывамі, заўсёды ў топе актуальных.

Старшыня Савета Рэспублікі падрабязна азнаёмілася з работай прадпрыемства. Маршрут наведвання ўчасткаў быў пабудаваны ў адпаведнасці з працэсам вытворчасці. Дырэктар прадпрыемства Іван Цішчанка праінфармаваў спікера аб дзейнасці завода, а таксама яго рэканструкцыі, праектах, якія рэалізоўваюцца і будуць рэалізоўвацца. Наталля Качанава пагутарыла з працоўным калектывам. Падчас рабочай паездкі ў Наваполацк таксама адбылася сустрэча са старшынёй Фарынаўскага сельскага Савета дэпутатаў.

Этнографы мяркуюць, што менавіта культура вырошчвання лёну шмат у чым сфарміравала беларускую ментальнасць: дакладнасць і адказнасць, уменне «трымаць удар» і дамагацца мэты, якім бы доўгім ні быў шлях. Капрызны і пераборлівы, лён дае ўраджай на адным полі толькі раз на сем гадоў, патрабуе глыбокіх агранамічных ведаў, уразлівы да хвароб і шкоднікаў, больш за іншыя расліны пакутуе ад пустазелля. Стварэнне тканіны з лёну — найскладанейшы тэхналагічны працэс. Але вынік варты намаганняў. Хто пасее лён — пажне золата, казалі ў старажытнасці.

Сёлета адбыўся 64-ты па ліку конкурс. Вядома, за столькі гадоў сфарміраваныя крэтэрыі і падыходы для вызначэння найлепшых. Але калі прыглядзецца да кніг, што адзначаны сёлета, то можна заўважыць адну вызначальную рысу, якую б можна было сфармуляваць так: «Беларусь перадусім». То бок тое, што вызначае дзяржаву ў розных яе праявах, у тым ліку ў пэўных межах. Гран-пры і перамогу ў намінацыі «Трыумф» сёлета прысудзілі за выданне «Нацыянальны атлас Беларусі» ад РУП «Белкартаграфія» і «Беларускага дома друку». Гэта кніга, да падрыхтоўкі якой далучыліся шмат людзей.

Ключавая перспектыва развіцця сталічнага транспарту, пазначаная і кіраўніком дзяржавы, — будаўніцтва чацвёртай лініі метрапалітэна. На старце ўзвядзення гэтай лініі будаўніцтва будзе весціся ў бок «Паўночнага берага», паведаміў дырэктар ААТ «Мінскметрапраект» Міхаіл Рудзько.

Многія чулі сцвярджэнне, што транспарт — гэта крывяносная сістэма эканомікі краіны. Каб пераканацца ў справядлівасці гэтых слоў, дастаткова на хвіліну ўявіць, што транспарт, які перавозіць пасажыраў, раптам спыніўся хоць бы на гадзіну... Але такога, на шчасце, у нас не здараецца. Увесь наземны транспарт сталіцы працуе як гадзіннік — пачынае раней за ўсіх і заканчвае, калі ўжо адлічвае хвіліны новы дзень.

У рамках работ па правядзенні Года добраўпарадкавання прадугледжана рэалізацыя 47 мерапрыемстваў і створаны рэспубліканскі штаб, расказала намеснік начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Людміла Барташэвіч. Пасяджэнні будуць праводзіць не радзей чым раз у квартал.

Цёплае надвор’е, якое ўсталявалася ў краіне, паспрыяла масаваму выезду людзей на прыроду. Хтосьці выкарыстаў сонечныя дзянькі, каб пасмажыць шашлык і весела бавіць час на свежым паветры. Іншыя вырашылі навесці парадак у двары, на прысядзібным участку, лецішчы. У шэрагу выпадкаў усё пайшло не па плане: і адпачывальнікі, і працаўнікі, як гэта часта бывае, забыліся пра элементарныя правілы бяспекі. А агонь, як вядома, памылак не даруе.