Сеткавае выданне zviazda.by

Цёплае надвор’е, якое ўсталявалася ў краіне, паспрыяла масаваму выезду людзей на прыроду. Хтосьці выкарыстаў сонечныя дзянькі, каб пасмажыць шашлык і весела бавіць час на свежым паветры. Іншыя вырашылі навесці парадак у двары, на прысядзібным участку, лецішчы. У шэрагу выпадкаў усё пайшло не па плане: і адпачывальнікі, і працаўнікі, як гэта часта бывае, забыліся пра элементарныя правілы бяспекі. А агонь, як вядома, памылак не даруе.

У мінулым годзе гранты Прэзідэнта Рэспублікі Беларусь былі прызначаны 58 спецыялістам у галіне навукі, адукацыі, аховы здароўя, культуры і маладзёжнай палітыкі. Учора леташнія атрымальнікі грантаў давалі справаздачу аб выніках навуковых даследаванняў. Адначасова на пасяджэнні рэспубліканскай камісіі, якую ўзначаліў намеснік прэм’ер-міністра Беларусі Уладзімір КАРАНІК, былі разгледжаны кандыдатуры, якія вылучаюцца на атрыманне грантаў кіраўніка дзяржавы ў бягучым годзе.

Усё часцей дзяўчаты робяць прафесійны выбар на карысць міліцэйскай службы. Сваёй мэтанакіраванасцю, упартасцю, стараннасцю, адказнасцю і нават не ўласцівай жанчынам мужнасцю яны даказваюць, што недарэмна носяць пагоны і стаяць у адным страі з мужчынамі. Марыя Ілюшына яшчэ толькі на шляху да сваёй мары, але шанцы вялікія. Нягледзячы на няўдалую спробу трапіць у Акадэмію МУС з першага разу, яна рызыкнула і паступіла з другога. Цяпер Марыя — упрыгажэнне факультэта міліцыі грамадскай бяспекі галоўнай міліцэйскай ВНУ краіны, адзіная дзяўчына сярод некалькіх сотняў будучых вартавых правапарадку.

Беларус Антон Смольскі стаў пераможцам заключнай гонкі на Кубку мацнейшых спартсменаў па біятлону ў «Раўбічах», паведамляе БелТА.

Тыя, хто праязджаў сёння па вуліцы Арлоўскай у Мінску каля Палаца Незалежнасці, маглі заўважыць нязвыклую актыўнасць. У гэтым месцы горада, звычайна даволі нешматлюдным, у бок палаца ішлі дзясяткі людзей, якія падзяліліся на невялікія кампаніі. Менавіта так, пешшу, а не на аўтобусах, як гэта бывае заўсёды, дабіраліся да месца экскурсанты — работнікі ЗАТ «Атлант», размешчанага праз дарогу ад Палаца Незалежнасці.

Эксклюзіўныя падрабязнасці раскрылі ўдзельнікі аўтарскага калектыву падчас прэзентацыі для супрацоўнікаў Дзяржсакратарыята Савета бяспекі, Адміністрацыі Прэзідэнта і Кіраўніцтва справаў Прэзідэнта, паведаміла БелТА. Яны расказалі пра тое, як стваралася выданне ад нараджэння ідэі да яе ўвасаблення, а таксама падзяліліся эмоцыямі і падрабязнасцямі творчага працэсу.

Днямі на базе сталічнага ААТ «Агат — сістэмы кіравання» — кіруючая кампанія холдынга «Геаінфармацыйныя сістэмы кіравання» прайшла выстаўка дасягненняў айчыннага ваенна-прамысловага комплексу, на якой можна было ўбачыць больш за 140 натурных узораў і макетаў найбольш сучаснай прадукцыі ваеннага і двайнога прызначэння. Непасрэдна сама дэманстрацыя была прымеркавана да пасяджэння калегіі Дзяржкамваенпрама і арганізацый, якія ўваходзяць у яго сістэму па выніках дзейнасці за 2024 год, а таксама прысвечана вызначэнню планаў і задач на 2025 год. Адразу варта адзначыць, што летась аб’ёмы прамысловай вытворчасці беларускай абаронкі дасягнулі рэкорднай лічбы.

Для аматараў творчасці Антона Паўлавіча Чэхава ў Нацыянальнай бібліятэцы адкрылася выстаўка «Чэхаў. Мастацтва натхнення», прысвечаная 165-годдзю класіка рускай літаратуры. У экспазіцыі — мастацкае пераасэнсаванне знакамітых твораў пісьменніка, партрэты, пейзажныя замалёўкі, графічныя работы беларускіх майстроў.

Узброеныя Сілы Беларусі ў 2024 годзе прынялі на ўзбраенне 24 узоры ўзбраення і тэхнікі, распрацаваныя Дзяржкамваенпрамам. Пра гэта журналістам расказаў старшыня Дзяржаўнага вайскова-прамысловага камітэта Дзмітрый Пантус перад пачаткам пасяджэння калегіі міністэрства ў Мінску, паведамляе БелТА.

Разам сабраны творы паэтаў Берасцейшчыны. 27 аўтараў прадставілі свае паэтычныя здабыткі, прысвечаныя 85-годдзю Брэсцкай вобласці і 80-годдзю вызвалення Беларусі ад нямецка-фашысцкіх захопнікаў. Падрыхтавалі выданне як укладальнікі Таццяна Дзмідовіч і Наталля Ніжнік. Звычайна калектыўныя зборнікі чытаюцца складана, бо творы ў іх прадстаўляюць розныя аўтары. Тэматычныя абсягі ў такіх выпадках даволі ўмоўна пазначаны. Ды і ўзровень у аўтараў зборнікаў, зразумела, розны...