Сеткавае выданне zviazda.by

Наша імунная сістэма многімі ўспрымаецца як terra іncognіta, нейкае эфемернае ўтварэнне: яго нельга разгледзець ні на УГД, ні на рэнтгене, ды і адным аналізам яго дзейнасць не вымераць. Але пры гэтым практычна кожны другі лічыць, што імунітэт трэба абавязкова ўмацоўваць восенню, а вясной дык і пагатоў. Інакш чым можна растлумачыць павальнае захапленне ці то імунамадулятарамі, ці то вітамінамі, ці то біялагічна актыўнымі дабаўкамі. Пра прыкметы, якія насамрэч сведчаць аб зніжэнні імунітэту, міфы аб яго перагрузцы і дзейсныя метады ўмацавання, расказала ўрач-гігіеніст аддзела грамадскага здароўя Мінскага абласнога цэнтра гігіены, эпідэміялогіі і грамадскага здароўя Алена Лойка.

У рэйтынгах па родадапамозе наша краіна знаходзіцца на высокім 40-м месцы сярод 180 краін свету. Штогод у Беларусі распрацоўваюцца і ўкараняюцца новыя скрынінгавыя даследаванні па раннім выяўленні розных генетычных хвароб. Летась уведзена пяць такіх праграм. Сёлета дадасца яшчэ 12, і мяркуецца, што ў 2030-м плод будуць правяраць на 36 магчымых паталогій. Напярэдадні Сусветнага дня здароўя, які адзначаецца 7 красавіка, медыкі расказалі, як у нашай краіне клапоцяцца пра здароўе матуль і дзяцей.

Гомельскі дзіцячы сацыяльны пансіянат «Шчаслівыя ўсмешкі» прадставіў у сталічным Тэатры-студыі кінаакцёра свой інклюзіўны спектакль «Паўлінка» па матывах п’есы Янкі Купалы. Выхаванцы ўстановы, якія маюць ментальныя асаблівасці, нараўне са сваімі выкладчыкамі, выхавацелямі і псіхолагамі ўвасобілі на сцэне вобразы беларускага класіка. Сам выхад да гледачоў для многіх юных акцёраў — вялікая перамога. Аднак адметна, што такіх перамог у выхаванцаў «Шчаслівых усмешак» ужо нямала — большасць з іх мела ролі ў трох папярэдніх спектаклях. А летась калектыў пансіяната быў узнагароджаны спецыяльнай прэміяй Прэзідэнта Беларусі за развіццё творчага патэнцыялу дзяцей і маладых людзей з інваліднасцю і інтэграцыю інклюзіўнага мастацтва ў культурную прастору краіны.

Удзельнікі маладзёжнага форуму «Нашчадкі Вялікай Перамогі», які прымае наша краіна, учора пасадзілі Алею Памяці гарадоў-герояў у сталічным Парку Перамогі. Дванаццаць гарадоў-герояў і Брэсцкая крэпасць-герой навечна ўпісаны ў гісторыю Вялікай Айчыннай вайны — менавіта столькі дубоў высадзілі дэлегаты форуму.

Летась Беларускі дзіцячы фонд уклаў у рэалізацыю праграм, праектаў і акцый 1 мільён 739 тысяч рублёў. Удалося прыцягнуць больш грашовых сродкаў, чым у папярэднія гады. Усе яны ідуць на такія дабрачынныя праграмы, як «Нашы дзеці», «Дзіцячае сэрца», «Цёплы дом» і іншыя. У мінулым годзе ўсе праекты і акцыі фонду дасягнулі рэкорднага ахопу дзяцей. Ніводная сям’я, якая звярталася па дапамогу ў арганізацыю, без яе не засталася.

Прадстаўнікі ўсіх гарадоў-герояў Беларусі і Расіі сабраліся гэтымі днямі ў Мінску. У нашай краіне праходзіць маладзёжны форум «Нашчадкі Вялікай Перамогі», які прымеркаваны да 80-й гадавіны Перамогі савецкага народа ў Вялікай Айчыннай вайне. Каля паўсотні ўдзельнікаў з Мінска, Масквы, Санкт-Пецярбурга, Валгаграда, Мурманска, Смаленска, Тулы, Керчы, Новарасійска, Севастопаля і Брэста не толькі пазнаёмяцца з памятнымі мясцінамі Беларусі, такімі як Хатынь, Курган Славы, Брэсцкая крэпасць, але і раскажуць пра гераічнае мінулае свайго горада, падзеляцца асабістым вопытам работы па захаванні гістарычнай памяці. Мерапрыемства арганізавана Федэрацыяй прафсаюзаў Беларусі.

Сёлета ў Беларусі плануецца пабудаваць каля 200 зарадных станцый для электрамабіляў. Яны размесцяцца не толькі ў Мінску,
але і на аўтазапраўках і дарогах агульнага карыстання, а таксама ў абласных і раённых цэнтрах. Таксама будзе пабудаваны і рэканструяваны шэраг аўтазаправак. Спецыялісты расказалі, якія аб’екты прыдарожнага сэрвісу з’явяцца ў краіне і якія іх паслугі сёння найбольш запатрабаваны.

Штогод больш за 10 мільёнаў чалавек на планеце захворвае на туберкулёз. І ўжо ў 2023 годзе ён стаў асноўнай у свеце прычынай смерці ад інфекцыйных хвароб, пераўзышоўшы COVІD-19. У Беларусі захваральнасць на туберкулёз паступова зніжаецца. Пры гэтым у нашай краіне прымяняюцца інавацыйныя метады лячэння, уключаючы выкарыстанне новых сучасных прэпаратаў, скарачэнне тэрмінаў лячэння, а таксама відэакантроль і тэлемедыцынскае кансультаванне. Усё гэта дазваляе скараціць знаходжанне ў стацыянары і дасягнуць высокай эфектыўнасці лячэння і знізіць рызыкі заражэння.

Болі ў паясніцы бываюць у 80 % людзей, у іх аснове — грыжы і іншыя праблемы з міжпазваночнымі дыскамі. З-за чаго яны ўзнікаюць? Ці трэба выдаляць грыжу хірургічна або можна абысціся без аперацыі? Ці можа грыжа разысціся без лячэння? Якія меры прафілактыкі дапамогуць пазбегнуць праблем са спінай? Пра гэта расказвае ўрач спартыўнай медыцыны Дзмітрый Савеня.

Для яе праходжання можна ўзяць на працы адзін дзень, які аплаціць наймальнік. Дыспансерызацыя абавязковая для ўсіх і накіравана на папярэджанне і ранняе выяўленне захворванняў сардэчна-сасудзістай сістэмы, цукровага дыябету, бронха-лёгачных, анкалагічных і іншых хранічных неінфекцыйных захворванняў. Дыспансерызацыю людзі ад 18 да 39 гадоў праходзяць раз на тры гады, з 40 гадоў — штогод. Спецыялісты расказалі, якія абследаванні ўключае дыспансерызацыя і колькі часу займае, ці можна яе прайсці ў прыватных медцэнтрах і чым дыспансерызацыя адрозніваецца ад медагляду.