Сеткавае выданне zviazda.by

Абласныя спаборніцтвы, удзел у якіх узялі 48 лепшых ратавальнікаў з усіх раёнаў, уключаючы прадстаўнікоў пажарнага аварыйна-выратавальнага атрада ўпраўлення МНС, доўжыліся з 19 па 20 сакавіка. Цэлых два дні напружанай барацьбы спатрэбіліся для выяўлення самых цягавітых, стойкіх і хуткіх. Ратавальнікі праходзілі вельмі складаныя выпрабаванні, дэманструючы высокі ўзровень падрыхтоўкі і прафесіяналізму.

Статыстыка штогод сведчыць, што пераважнай прычынай гібелі людзей ад пажараў у жыллі з’яўляюцца бестурботныя, неасцярожныя дзеянні грамадзян, няведанне правілаў альбо ўсвядомленае грэбаванне мерамі бяспекі. У мэтах павышэння ўзроўню культуры бяспекі сярод насельніцтва Міністэрствам па надзвычайных сітуацыях у перыяд з 22 па 30 сакавіка арганізавана правядзенне ўжо традыцыйнай рэспубліканскай пажарна-прафілактычнай акцыі па папярэджанні пажараў і гібелі людзей ад іх у жыллёвым фондзе «За бяспеку разам». Да мерапрыемстваў далучацца Міністэрства ўнутраных спраў, Міністэрства працы і сацыяльнай абароны, Міністэрства адукацыі, Міністэрства інфармацыі, Міністэрства жыллёва-камунальнай гаспадаркі, Міністэрства аховы здароўя і Міністэрства энергетыкі, а таксама Беларускае добраахвотнае пажарнае таварыства.

Цёплае надвор’е, якое ўсталявалася ў краіне, паспрыяла масаваму выезду людзей на прыроду. Хтосьці выкарыстаў сонечныя дзянькі, каб пасмажыць шашлык і весела бавіць час на свежым паветры. Іншыя вырашылі навесці парадак у двары, на прысядзібным участку, лецішчы. У шэрагу выпадкаў усё пайшло не па плане: і адпачывальнікі, і працаўнікі, як гэта часта бывае, забыліся пра элементарныя правілы бяспекі. А агонь, як вядома, памылак не даруе.

Горад Крупкі гэтымі днямі стаў цэнтрам прыцягнення для ўсіх, хто неабыякавы да пытанняў бяспекі і выхавання падрастаючага пакалення. Тут адбылося абласное ўрачыстае мерапрыемства «Разам у бяспечную будучыню», кульмінацыяй якога стала цырымонія ўзнагароджання пераможцаў абласнога фестывалю «Бяспечнае дзяцінства» сярод устаноў дашкольнай адукацыі і абласнога агляду-конкурсу дзіцячай творчасці «Ратавальнікі вачыма дзяцей!».

У Бярэзінскім райвыканкаме быў арганізаваны збор кіраўнікоў задзейнічаных арганізацый, штаба кіраўніцтва вучэнняў пры ўдзеле начальніка Мінскага абласнога ўпраўлення МНС Сяргея Лапановіча. Кіраўнікі раённых службаў і арганізацый далажылі аб магчымасцях, наяўных сіл і сродкаў па ліквідацыі розных НС.

Ужо не раз адзначалася, што асноўнай прычынай узнікнення пажараў па-ранейшаму застаецца чалавечы фактар. А гэта значыць, што і асноўным метадам прафілактыкі застаюцца сустрэчы з насельніцтвам, у тым ліку і ў рамках правядзення адраснай прафілактычнай работы ў жыллё. Не застаюцца ў баку ад гэтай работы і ратавальнікі Мінскай вобласці. Вось і першыя сонечныя сакавіцкія выхадныя не сталі выключэннем-ратавальнікі адправіліся па «маршрутах бяспекі». Асаблівая ўвага на гэты раз была ўдзелена домаўладанням, у якіх пражываюць адзінокія пажылыя грамадзяне, а таксама грамадзяне, схільныя да злоўжывання спіртнымі напоямі.

Зіма ўжо адлічвае свае апошнія дзянькі, а рыбакі, можна сказаць, толькі цяпер выйшлі на лёд. Пры гэтым не ўлічваюць, што ўстойлівы мінус быў зусім непрацяглы перыяд — далёка не ўсе вадаёмы нарасцілі неабходную таўшчыню ледзянога покрыва, бяспечную для зімовай рыбалкі. Адназначна не варта разглядаць замерзлы вадаём і ў якасці катка або магчымасці скараціць шлях. Недарэмна ў народзе кажуць: паспех — людзям на смех.

Дэпартамент па наглядзе за бяспечным вядзеннем работ у прамысловасці МНС Беларусі ажыццяўляе ўскладзеныя на яго задачы па нагляднай дзейнасці ў наступных галінах: прамысловая бяспека, перавозка небяспечных грузаў, папярэджанне аварый і інцыдэнтаў на небяспечных вытворчых аб’ектах і патэнцыяльна небяспечных аб’ектах. Ведамства актыўна бярэ ўдзел у рэалізацыі дзяржаўнай палітыкі ў прамбяспецы і перавозцы небяспечных грузаў.

19 лютага нядобрасумленныя інфармацыйныя рэсурсы літаральна захлыналіся чарговай высмактанай з пальца «сенсацыяй»: «Асіповічы засталіся без вады», «у горадзе гуманітарная катастрофа», «улада бяздзейнічае»... Але, ведаючы іх «аб’ектыўнасць», верыць гэтаму не даводзіцца. І насамрэч усё было зусім па-іншаму.

У мінулым годзе ў Беларусі падчас ліквідацыі надзвычайных сітуацый выратавалі 828 чалавек, з іх 99 — дзеці. Пры гэтым прадухілена знішчэнне каля 2 тысяч будынкаў і 346 адзінак тэхнікі. Такая інфармацыя прагучала на пасяджэнні калегіі ратавальнага ведамства ў Мінску, падчас якога падведзены вынікі работы за мінулы год і вызначаны сёлетнія перспектывы, паведаміла БелТА.