Сеткавае выданне zviazda.by

Пасля маніторынгу КДК у аграгарадку Шчучынскага раёна адрамантавалі сельскі дом фальклору, паведамілі БелТА ў КДК Гродзенскай вобласці.

Санэпідслужба 5 і 6 верасня будзе прымаць званкі на гарачую лінію па пытаннях добраўпарадкавання і навядзення парадку на зямлі, паведамляе БелТА са спасылкай на Рэспубліканскі цэнтр гігіены, эпідэміялогіі і грамадскага здароўя.

Сталічны парк імя Уга Чавеса ў бліжэйшы час атрымае новыя спартыўныя аб’екты, уключаючы лыжаролерную трасу і хакейную каробку са штучным лёдам, што дазволіць падоўжыць сезон заняткаў незалежна ад умоў надвор’я. Пра гэта паведаміў першы намеснік генеральнага дырэктара УП «Мінскзелянбуд» Уладзімір Хмара, перадае БелТА.

Гарады «жывымі» самастойна не становяцца, гэта вынік працы многіх спецыялістаў па стварэнні новых рэкрэацыйных магчымасцяў. Па словах намесніка генеральнага дырэктара па добраўпарадкаванні і ўтрыманні аб’ектаў зялёнай гаспадаркі УП «Мінскзелянбуд» Кацярыны КАРОТКІНАЙ, нашы прадпрыемствы круглы год абслугоўваюць 158 сквераў, 28 бульвараў, 38 паркаў і лесапаркаў галоўнага мегаполіса краіны. Яна адзначыла, што ў іх падпарадкаванні знаходзіцца 10 паркаў, з іх чатыры — паркі культуры і адпачынку, якія абсталяваны атракцыёнамі. На гэтых тэрыторыях таксама вядзецца праца па змесце і замене атракцыёнаў на больш сучасныя і цікавыя. У горадзе дзейнічае 23 пляжы. Па словах эксперта, штогод праводзіцца комплекс мерапрыемстваў па добраўпарадкаванні тэрыторый: бягучае ўтрыманне, азеляненне і кветкавае афармленне. Высаджваецца больш як 30 тысяч дрэў і звыш 300 тысяч кустоў кожны год. Сёлета ў спрыяльны вясновы перыяд было пасаджана 24 тысячы дрэў і каля 130 тысяч кустоў.

Год добраўпарадкавання — час навучыць усіх і кожнага пастаянна падтрымліваць парадак на тэрыторыі сваёй арганізацыі, асабістага двара, вуліцы, вёскі і горада. Як рэалізуецца гэта задача ў Гродзенскай вобласці, абмеркавалі на выязным пасяджэнні часовай камісіі на прыкладзе Шчучынскага раёна, перадае БелТА.

Афарбоўка плоту, належнае захоўванне будматэрыялаў, пакос газона, пасадка дрэў і кустоў каля суседскага ўчастка — 18 мая ў Беларусі ўступілі ў сілу абноўленыя правілы добраўпарадкавання і ўтрымання населеных пунктаў. Цяпер гаспадары будуць абавязаны падтрымліваць свае падворкі ў належным стане. Мы даведаліся, каго будуць караць рублём за невыкананне гэтых норм. Новаўвядзенні датычацца кожнага ўладальніка зямельнага ўчастка, дома, дачы ў горадзе і сельскай мясцовасці.