Сеткавае выданне zviazda.by

Прэзідэнт Беларусі Аляксандр Лукашэнка прыняў з дакладам старшыню Магілёўскага аблвыканкама Анатоля Ісачанку і памочніка Прэзідэнта — інспектара па Магілёўскай вобласці Сяргея Налівайку. У цэнтры ўвагі — бягучыя і самыя актуальныя пытанні жыццядзейнасці рэгіёна.

Цэнавая сітуацыя ў рознічным гандлі заўсёды застаецца ў полі зроку дэпутатаў усіх узроўняў. Цяпер, на пачатку вясны, асабліва важнай выглядае даступнасць агародніны і фруктаў, якія вырошчваюцца ў нашай краіне. Апошняе падкрэслівалася на нарадзе ў кіраўніка дзяржавы 28 лютага. «Людзям павінна быць па кішэні самае простае: капуста, цыбуля, бульба, морква, яблыкі», — сказаў тады Прэзідэнт. Карэспандэнты «Звязды» ў рэгіёнах разам з дэпутатамі вывучылі сітуацыю ў розных аб’ектах гандлю: ад супермаркета да аўтакрамы.

Член Савета Рэспублікі, галоўны ўрач Брэсцкай абласной клінічнай бальніцы Аляксандр Карпіцкі правёў асабісты прыём грамадзян і прамую тэлефонную лінію ў Хаціслаўскім сельскім Савеце Маларыцкага раёна. Ад мясцовых жыхароў паступілі пытанні, якія датычацца выкарыстання чэкаў «Жыллё», даплаты да пенсіі ўдзельнікам ліквідацыі наступстваў аварыі на ЧАЭС, а таксама арганізацыі медыцынскай дапамогі жыхарам раёна.

З 1 сакавіка пачаў дзейнічаць Указ № 74 «Аб узмацненні ролі старшынь выканаўчых камітэтаў базавага ўзроўню ў развіцці рэгіёнаў». У ім гаворка ідзе аб пашырэнні паўнамоцтваў старшынь выканаўчых камітэтаў базавага ўзроўню і ўзмацнення іх адказнасці за стан спраў у рэгіёне. Сваім меркаваннем аб ролі гэтага дакумента ў жыцці грамадства падзялілася аналітык Беларускага інстытута стратэгічных даследаванняў Кацярына ЧАРОЎСКАЯ:

Святочны канцэрт з віншаваннямі і кветкамі стаў падарункам тым, хто сваёй працавітасцю і стараннасцю садзейнічаў дасягненню новых вяршынь у сацыяльна-эканамічным развіцці Магілёўшчыны. У Палацы культуры вобласці агучылі прозвішчы 14 прадстаўнікоў розных галін дзейнасці, якія атрымалі званне «Чалавек года», і назвалі тры раёны, што сталі пераможцамі штогадовага спаборніцтва па сацыяльна-эканамічным развіцці.

Мінулы год для Капыльшчыны быў багатым на ўвядзенне знакавых аб’ектаў па інвестыцыйнай праграме «Адзін раён — адзін праект». У прыватнасці, высокатэхналагічнага комплексу па вырошчванні і перапрацоўцы мяса індычкі ў вёсцы Пясочнае, а таксама запуску цэха інавацыйнай прадукцыі — сухога малака з капілярна-порыстай структурай — на Капыльскім філіяле Слуцкага сыраробнага камбіната. Акрамя таго, у сельгаспадарках раёна ўведзены ў эксплуатацыю некалькі сучасных жывёлагадоўчых аб’ектаў. Усё гэта будзе спрыяць эканамічнаму росту раёна, бо атрыманая прадукцыя накіроўваецца на экспарт, ствараюцца новыя працоўныя месцы з дастойнай заработнай платай, а ў раён прыходзяць сучасныя тэхналогіі і адзначаецца высокі ўзровень вытворчасці. Пра знакавыя для раёна аб’екты, развіццё сельскай гаспадаркі і работу ў Год добраўпарадкавання размаўляем са старшынёй Капыльскага райвыканкама Сяргеем Пілішчыкам.

Сустрэча ў фармаце пасяджэння рабочай групы прайшла ўпершыню. Удзельнікі пасяджэння абмеркавалі актуальныя пытанні, якія датычацца маладзёжнай палітыкі, развіцця ініцыятыў і праектаў, накіраваных на падтрымку маладых людзей у розных сферах жыцця. Старшыні маладзёжных саветаў і парламентаў падзяліліся гісторыяй развіцця свайго органа, расказалі аб яго структуры, складзе, аб асноўных мерапрыемствах і ініцыятывах, якія рэалізуюцца ў тым ці іншым рэгіёне.

На сустрэчы з кіраўнікамі рэлігійных арганізацый нашай краіны Аляксандр Лукашэнка прапанаваў дапамогу з боку дзяржавы ў стварэнні духоўных цэнтраў розных канфесій. Размова ішла пра святыні, значныя для вернікаў не толькі Беларусі і не толькі для вернікаў. Гэта нацыянальныя сакральныя мясціны, дзе сэрцы людзей паварочваюцца да Бога, дзе пераадольваецца адасобленасць, дзе пануе Любоў — да чалавека, да Сусвету, да Радзімы. Пра гэтыя месцы, здольныя аб’яднаць нас яшчэ больш, «Звязда» і раскажа.

Кіраўнік Адміністрацыі Прэзідэнта Дзмітрый Крутой пасля пасяджэння па падвядзенні вынікаў сацыяльна-эканамічнага развіцця і выкананні бюджэту Магілёўскай вобласці за 2024 год расказаў журналістам аб асноўных аспектах замацавальнасці кадраў у рэгіёне, перадае БелТА.

Тэма размеркавання паўнамоцтваў і вызначэння кампетэнцый старшынь выканкамаў базавага ўзроўню, якая ўзнімалася на мінулым тыдні падчас нарады ў Прэзідэнта і вынікам якой стала навіна аб з’яўленні ў хуткім часе адпаведнага ўказа кіраўніка дзяржавы, асабліва актыўна абмяркоўваецца на месцах. Гэта неабходна для таго, каб дакладна разумець, што і ад каго могуць патрабаваць старшыні выканкамаў. Акрамя таго, прававое рэгуляванне паўнамоцтваў гэтай катэгорыі службовых асоб дазволіць пазбегнуць спрэчак наконт ведамаснай падпарадкаванасці і межаў кампетэнцыі. Аб гэтым гаварыў Прэзідэнт, гэта выдатна разумеюць і прадстаўнікі мясцовай улады, і выканаўчай, і заканадаўчай, бо, як правіла, выканкамы і саветы ў сваім рэгіёне разам вырашаюць пастаўленыя задачы, разам працуюць на развіццё тэрыторыі і дабрабыт людзей. З прадстаўнікамі заканадаўчай улады рознага ўзроўню карэспандэнты МС і пагутарылі аб гэтым.