Сеткавае выданне zviazda.by

Заслухоўваючы даклад па мерах удасканалення сацыяльнай абароны насельніцтва ў кастрычніку мінулага года, кіраўнік дзяржавы звярнуў увагу, што ў сённяшняй сітуацыі і пенсіянераў, і інвалідаў, і дзяцей-сірот варта падтрымліваць, як толькі ў дзяржавы з’яўляюцца фінансавыя магчымасці. У чарговы раз можна ўпэўніцца, што словы Прэзідэнта не разышліся са справай. Беларуская эканоміка спрацавала са станоўчым вынікам, і заробленыя сродкі было вырашана накіраваць на падтрымку найбольш уразлівых катэгорый насельніцтва. Днямі кіраўніком дзяржавы быў падпісаны Указ «Аб павышэнні пенсій», згодна з якім з 1 лютага яны ўзрастуць у сярэднім на 10 %. Якім у выніку будзе сярэдні памер пенсіі? Ад чаго залежыць іх павышэнне? Як сёлета будуць расці «ўзроставыя» даплаты да пенсіі? Аб гэтым «Звяздзе» расказала міністр працы і сацыяльнай абароны Наталля Паўлючэнка.

З гэтага года прынята рашэнне аб унясенні ў Нацыянальны каляндар прышчэпак вакцынацыі супраць яшчэ трох інфекцый: ВПЧ (віруса папіломы чалавека), пнеўмакокавай інфекцыі і дадатковая рэвакцынацыя супраць коклюшу. Чаму менавіта гэтыя прышчэпкі былі дададзены ў Нацыянальны каляндар, тлумачыць урач-інфекцыяніст 22-й гарадской дзіцячай паліклінікі Дар’я Петрачук.

Ужо другі дзень спецыялісты цэнтра акумулююць дадзеныя ад нацыянальных назіральнікаў з усіх рэгіёнаў краіны, а таксама працягваюць прымаць звароты ад грамадзян па «гарачай лініі».

Пра гэта паведамілі ў Цэнтры грамадскага назірання за выбарамі, у якім акумулюецца ўся інфармацыя ад нацыянальных наглядальнікаў з усёй краіны.

Пачалося датэрміновае галасаванне на выбарах Прэзідэнта Рэспублікі Беларусь.Карэспандэнты «Звязды» пабывалі на некалькіх выбарчых участках і высветлілі, наколькі грамадзяне актыўныя ў першы дзень датэрміновага галасавання. Дарэчы, участкі для галасавання адкрыты з 12.00 да 19.00 без перапынку на абед. У асноўны дзень выбараў — 26 студзеня — можна будзе прагаласаваць з 8.00 да 20.00.

Акцыя, якая абышла Беларусь, набірае абароты ў Мінску. Ад дзяцей да прадпрыемстваў — усе ахоплены яе энергіяй. Учора ў Мінскім дзяржаўным палацы дзяцей і моладзі адбылося ўзнагароджанне пераможцаў мінскага этапу адкрытага конкурсу малюнка навучэнцаў пачатковых класаў «Мы разам» і рэспубліканскага конкурсу сачыненняў на тэму «Што такое адзінства». Калектывы «Мінскага метрапалітэна» і «Мінскметрабуда» абмяняліся падарункамі і пагутарылі на агульныя тэмы ў рамках сустрэчы «Адну справу робім!». Мінскі трактарны завод напоўніўся галасамі Ірыны Дарафеевай, гурта «PRавакацыя» і іншых зорак — удзельнікаў праекта «Разам працуем, разам спяваем!». Незабыўныя сустрэчы і падзеі — па самых розных адрасах...

Павышэнне нараджальнасці, умацаванне здароўя насельніцтва, лічбавая трансфармацыя, развіццё высокатэхналагічных відаў меддапамогі будуць ключавымі кірункамі для аховы здароўя ў найбліжэйшыя пяць гадоў, аб’яўленых пяцігодкай якасці.

Адной з навінак «Марафона адзінства» стала медыцынская выстаўка «Беларусь. Медыцына. Будучыня». Яна праходзіць з 21 па 25 студзеня ў Мінску ў Беларускім дзяржаўным медыцынскім універсітэце. І для ўсіх ахвотных гэта магчымасць убачыць будучыню медыцыны, якая мяняецца на нашых вачах.

У нядзелю праваслаўныя хрысціяне адзначаюць адно з 12 вялікіх свят — Вадохрышча, якое завяршае калядныя святкі. Галоўныя традыцыі ў гэты дзень — асвяшчэнне вады ў храмах і акунанне ў ледзяную палонку. Чакаецца, што каля 300 тысяч беларусаў наведаюць падрыхтаваныя купелі.

Акцыя «Нашы дзеці» ахапіла больш за мільён дзяцей. Матэрыяльная дапамога ўстановам, дзе яны выхоўваюцца, вучацца ці лечацца, склала 8 мільёнаў рублёў. Больш за 550 тысяч чалавек прынялі ўдзел у акцыі «Ад усёй душы». Падчас мерапрыемстваў сабрана больш за два мільёны рублёў, якія накіраваны на ўмацаванне матэрыяльна-тэхнічнай базы сацыяльных пансіянатаў і бальніц сястрынскага догляду, дапамогу і падтрымку пажылых грамадзян.