Сеткавае выданне zviazda.by

На бягучым тыдні прэм’ер-міністр Раман Галоўчанка правёў пасяджэнне Савета Міністраў, у ходзе якога былі падведзены вынікі сацыяльна-эканамічнага развіцця краіны ў 2024 годзе. На першы погляд гэта звычайнае пратакольнае мерапрыемства, тым больш што статкамітэт яшчэ раней агучыў галоўны вынік мінулага года. У 2023–2024 гадах прынятыя сістэмныя рашэнні па забеспячэнні ўстойлівай работы галін далі магчымасць не толькі выйсці на ўстойлівы станоўчы трэнд асноўных паказчыкаў сацыяльна-эканамічнага развіцця нацыянальнай эканомікі, але і прадэманстраваць гадавыя тэмпы яе росту, вышэйшыя за сярэднесусветныя значэнні. Была захавана і макраэканамічная стабільнасць. Толькі золатавалютныя рэзервы за год павялічыліся амаль на 800 млн і на 1 студзеня гэтага года склалі амаль 9 млрд долараў. І ўсё гэта без пагаршэння сацыяльных абавязацельстваў дзяржавы перад насельніцтвам, што ўжо даўно стала фірмавым брэндам Беларусі.

Пастановай Савета Міністраў Беларусі ад 31 снежня 2024 года № 1072 зацверджана Праграма развіцця раёнаў Прыпяцкага Палесся на 2025–2030 гады. Яна накіравана на фарміраванне доўгатэрміновай асновы ўстойлівага росту эканомікі, а таксама дабрабыту і якасці жыцця насельніцтва раёнаў Прыпяцкага Палесся: Ганцавіцкага, Лунінецкага, Столінскага і Пінскага раёнаў Брэсцкай вобласці, Ельскага, Жыткавіцкага, Калінкавіцкага, Лельчыцкага і Петрыкаўскага раёнаў Гомельскай вобласці.

За мінулы год беларускія малакаперапрацоўчыя прадпрыемствы адгрузілі на экспарт 6 млн тон малака і малакапрадуктаў, пашырыўшы геаграфію паставак да 69 дзяржаў. На поспехах малочнай жывёлагадоўлі на знешнім контуры ў час форуму «Малочная ферма», што праходзіць цяпер у сталіцы, зрабіў акцэнт першы намеснік міністра сельскай гаспадаркі і харчавання Аляксандр Ломскі, перадае БелТА.

23 лютага наша краіна традыцыйна адзначыць Дзень абаронцаў Айчыны і Узброеных Сіл Рэспублікі Беларусь. Свята мужнасці і вернасці воінскаму абавязку нясе ў сабе сімвалічнае яднанне мінулага, сучаснасці і будучыні. Напярэдадні на сустрэчы з журналістамі вядучыя спецыялісты ў галіне патрыятычнага выхавання, прадстаўнікі грамадскіх арганізацый падзяліліся вопытам работы з моладдзю, а таксама прадставілі новыя ініцыятывы і праекты, якія нацэлены на ўзмацненне патрыятычнага духу моладзі і фарміраванне актыўнай грамадзянскай пазіцыі.

Вызначаны 20 лепшых супрацоўнікаў прыродаахоўнай галіны. Урачыстая цырымонія адкрыцця абноўленай Дошкі гонару адбылася ў Міністэрстве прыродных рэсурсаў і аховы навакольнага асяроддзя.

Пасля цырымоніі ўзнагароджання і ўручэння генеральскіх пагонаў у Палацы Незалежнасці прайшло яшчэ адно традыцыйнае мерапрыемства. Гэта традыцыя хоць і не прымеркаваная да пэўнай даты, але радасці і добрага настрою дае не менш — экскурсія ў Палац Незалежнасці. Гэтым разам ён адчыніў свае дзверы для супрацоўнікаў Міністэрства сувязі інфарматызацыі і падведамасных арганізацый. Экскурсія стала своеасаблівым падарункам — у студзені Міністэрства адзначыла 70 гадоў са дня ўтварэння.

Беларусь робіць захады, каб знайсці кансэнсус для ўрэгулявання ўсіх вострых пытанняў каля нашых граніц. Аб гэтым падчас брыфінгу заявіў начальнік Дэпартамента міжнароднага ваеннага супрацоўніцтва — памочнік міністра абароны па пытаннях міжнароднага ваеннага супрацоўніцтва Валерый Равенка. На брыфінг былі запрошаны прадстаўнікі замежнага ваенна-дыпламатычнага корпуса з 24 дзяржаў свету.

У рабоце калегіі прыняў удзел намеснік прэм’ер-міністра Ігар Петрышэнка. На пасяджэнне, дзе абмяркоўваліся вынікі 2024 года і агучваліся задачы на год бягучы, прыбылі намеснікі старшынь аблвыканкамаў і Мінгарвыканкама, якія курыруюць сферу адукацыі, педагагічныя работнікі, прадстаўнікі рэспубліканскіх грамадскіх аб’яднанняў і іншыя. Да пачатку мерапрыемства госці і ўдзельнікі калегіі азнаёміліся з выставай, на якой установы адукацыі прадэманстравалі свае найлепшыя дасягненні.

Пра гэта паведаміў міністр энергетыкі Аляксей Кушнарэнка падчас пасяджэння савета аб’яднання «Белпалівагаз», дзе былі разгледжаны вынікі работы газавай і тарфяной прамысловасці ў 2024 годзе.

Гэта адна з найбольш топавых тэм, якую ў ходзе работы дэпутатаў у выбарчых акругах узнімаюць грамадзяне. У сферы электраэнергетыкі і газіфікацыі населеных пунктаў зроблена нямала, аднак ёсць і шэраг прабелаў, якія патрабуюць канкрэтных, у тым ліку заканадаўчых, рашэнняў. Што яшчэ варта зрабіць, каб людзям, асабліва ў сельскай мясцовасці, жылося камфортна, і чым у гэтым пытанні можа дапамагчы дэпутацкі корпус, падрабязна і шырока абмеркавалі на семінары-нарадзе з удзелам прадстаўнікоў Міністэрства энергетыкі, кіраўнікоў абласных прадпрыемстваў электраэнергетыкі і газазабяспечваючых арганізацый.