Навiны
Праз непагадзь у дзвюх абласцях Беларусі адбылося падзенне дрэў
У Гродзенскай і Мінскай абласцях з-за непагадзі адбылося падзенне дрэў. Пра гэта БелТА паведамілі ў МНС.
У Мінскай вобласці стартавала жніво-2026
Старт яму далі ў Клецкім раёне, у ААТ «Кухчыцы», — там 1 ліпеня пачалася ўборка збожжавых. Хлебаробы Міншчыны сёлета разлічваюць на больш чым важкі каравай. На гэта звярнуў увагу і старшыня Мінскага аблвыканкама Аляксей Кушнарэнка, які прыехаў у гаспадарку, каб даць старт жніву і пажадаць хлебаробам шчодрага ўраджаю.
Сезон палявання на мядзведзяў адкрыты ў вызначаных паляўнічых гаспадарках Беларусі з 1 ліпеня
Такое ўнушальнае відовішча — больш за дзясятак бурых мядзведзяў, якія адначасова знаходзяцца ў полі зроку, — раней здаралася хіба што на Камчатцы падчас масавага нерасту ласося. Цяпер гэта стала рэальнасцю для поўначы Беларусі: летась на полі плошчай 5 гектараў за вёскай Стайкі ў Віцебскім раёне праз цеплавізар паляўнічыя налічылі ажно 11 мядзведзяў, якія ласаваліся збожжам малочнай спеласці.
У Магілёўскай вобласці да ўборачнай далучыўся мехатрад з асабовага складу МНС
Падводзім вынікі XІІІ Форуму рэгіёнаў Беларусі і Расіі
Цэнтральнай тэмай мінулага тыдня стаў XІІІ Форум рэгіёнаў Беларусі і Расіі, які сёлета прымалі Мінск і Мінская вобласць. Гэта ўнікальная пляцоўка, якая дазваляе максімальна спрасціць рух нашых краін насустрач адна адной. Бонусы тут не толькі ад афіцыйных сустрэч, але і ад кулуарных стасункаў. А кантракты традыцыйна заключаліся адразу на палях форуму. У спецыяльным выпуску «МС» падрабязна расказваем аб працы тэматычных секцый і асноўных выніках, якія прынёс нашым краінам сёлетні форум.
Пастаянны прадстаўнік Беларусі ў ААН: любыя спробы запалохвання і пагроз у адрас Беларусі і яе кіраўніцтва недапушчальны
Любыя спробы націску або запалохвання, ультыматумы, пагрозы ў адрас Беларусі і яе кіраўніцтва недапушчальны. Аб гэтым заявіў пастаянны прадстаўнік Беларусі ў ААН Валянцін Рыбакоў на тэрміновым пасяджэнні Савета Бяспекі ААН, скліканым у сувязі з атакай беспілотніка на аўтобус з беларускімі грамадзянамі ў Бранскай вобласці Расіі, паведамляе БелТА.
Бык нанёс цялесныя пашкоджанні жывёлаводу ў Камянецкім раёне
У Камянецкім раёне бык нанёс цялесныя пашкоджанні жывёлаводу, паведамілі БелТА ў Дзяржаўным камітэце судовых экспертыз па Брэсцкай вобласці.
Мінская вобласць падрыхтавала звыш 100 пляжаў, дзе бяспечна купацца
На нядаўняй нарадзе пад старшынствам губернатара Аляксея Кушнарэнкі абмяркоўваліся стратэгіі прадухілення трагедый на вадзе. Кіраўнік вобласці адзначыў, што захаванне чалавечых жыццяў — першачарговая задача. Пра гэта паведаміла «Мінская праўда» са спасылкай на прэс-службу Мінаблвыканкама.
За суткі ў Віцебскай вобласці патанулі два чалавекі, яшчэ дваіх выратавалі відавочцы
За мінулыя суткі ў Віцебскай вобласці патанулі два чалавекі, дваіх выратавалі відавочцы. Пра гэта БелТА паведамілі ў Віцебскім абласным УМНС.
