Сеткавае выданне zviazda.by

Удзельнікі маладзёжнага форуму «Нашчадкі Вялікай Перамогі», які прымае наша краіна, учора пасадзілі Алею Памяці гарадоў-герояў у сталічным Парку Перамогі. Дванаццаць гарадоў-герояў і Брэсцкая крэпасць-герой навечна ўпісаны ў гісторыю Вялікай Айчыннай вайны — менавіта столькі дубоў высадзілі дэлегаты форуму.

Першая экскурсія пасля цырымоніі інаўгарацыі прайшла ў Палацы Незалежнасці 2 красавіка. Штогод у чацвёртую нядзелю сакавіка ў краіне адзначаецца прафесійнае свята работнікаў жыллёва-камунальнай гаспадаркі. І вось у якасці падарунка 120 прадстаўнікоў галіны з Мінска і Любані змаглі на свае вочы ўбачыць рэзідэнцыю Прэзідэнта Рэспублікі Беларусі.

Прэзідэнт Беларусі Аляксандр Лукашэнка 2 красавіка падпісаў Дырэктыву нумар 11 «Аб удасканаленні функцыянавання сістэмы органаў улады і кіравання, узмацненні выканальніцкай дысцыпліны», паведамілі ў прэс-службе беларускага лідара.

З вудачкай Андрэй Сцяпанавіч, можна сказаць, на свет нарадзіўся. З ранняга маленства сядзеў на беразе Усы. Трохі падросшы, разам з іншымі хлопцамі гойсалі на Сулу, потым, зарабіўшы на ўласны «ІЖ», ездзіў на Салігорскае вадасховішча і нават да свата на слаўную Прыпяць...

У Палацы Незалежнасці — госці з Расіі. Гэтым разам з Пензенскай вобласці, дэлегацыя якой на чале з губернатарам Алегам Мельнічэнкам знаходзіцца ў нашай краіне. Па традыцыі, з кіраўніком расійскага рэгіёна і членамі дэлегацыі сустрэўся і Прэзідэнт Беларусі Аляксандр Лукашэнка. Праграма візіту вельмі насычаная. І, як заўважыў Аляксандр Лукашэнка, гэта вельмі правільна, бо госці з Пензенскай вобласці прыехалі ў Беларусь напярэдадні значных свят — Вялікадня і 80-годдзя Вялікай Перамогі. Паколькі візіт дэлегацыі прыпаў і на Дзень яднання народаў Беларусі і Расіі, госці з Пензенскай вобласці актыўна паўдзельнічаюць у святочных мерапрыемствах.

У дар галоўнай кніжнай скарбніцы Беларусі перададзена больш за 300 кніг. Сярод іх — руская класічная літаратура, у тым ліку творы аўтараў так званага сярэбранага веку. Частка кніжнай калекцыі прадстаўлена кнігамі пісьменнікаў ХХ стагоддзя, як тых, хто працаваў у Савецкім Саюзе, так і эмігрантаў. Падабраны і кнігі вядомых сучасных расійскіх аўтараў. Перададзена і дакументальная, гістарычныя, навуковая літаратура, кнігі па гісторыі рускай эміграцыі, альбомы па жывапісу, архітэктуры, па літаратуразнаўству, акадэмічныя слоўнікі.

Перамога тыдня. Беларуская тэнісістка Арына Сабаленка ўпершыню ў кар’еры выйграла турнір катэгорыі WTA-1000 у амерыканскім Маямі з прызавым фондам 8,9 мільёна долараў. У вырашальным паядынку першая ракетка планеты перамагла амерыканскую тэнісістку Джэсіку Пегулу з лікам 7:5, 6:2. Сустрэча працягвалася 1 гадзіну 29 хвілін.

Вясна — час перамен, калі хочацца скінуць кайданы зімовай вопраткі і ўдыхнуць свежае паветра моды. Але надвор’е капрызнае, і ствараць стыльныя вобразы бывае няпроста. Не спяшайцеся хаваць летнія рэчы! Ключ да моднага міжсезоння — умелая адаптацыя лёгкіх тэкстур у шматслойныя, камфортныя ансамблі. І летняя спадніца стане вашым верным саюзнікам у гэтым.

«Сны, якія не збыліся, мары, якія засталіся ў мінулым, і шкадаванні, якія працягваюць жыць у памяці, — усё гэта становіцца матэрыялам для стварэння вобразаў, напоўненых эмоцыямі і фантазіямі», — так апісвае Юлія Качур свой праект «Няспраўджаныя ўспаміны», які адкрыўся ў галерэі DK. Наведвальнікам прапаноўваецца цікавая магчымасць прайсціся па лабірынтах душы аўтара, дзе сны і рэальнасць становяцца адзіным цэлым.

Усе мы памятаем ковідныя часы, калі турызм (як уязны, так і выязны) фактычна быў пастаўлены на паўзу. Як запэўніваюць спецыялісты, гэтыя не лепшыя часы для галіны засталіся ў мінулым. Зрэшты, ёсць і іншыя для нас пазітыўныя моманты не толькі ў сферы эканомікі, але і геапалітыкі: нягледзячы на розныя забароны латвійскіх улад мясцовыя жыхары актыўна карыстаюцца беларускім бязвізам і ўжо занялі чацвёрты радок у рэйтынгу замежнікаў, якія прыязджаюць у нашу краіну. Пра тое, чым прыцягвае Беларусь замежнікаў і як развіваецца экспарт турыстычных паслуг, карэспандэнту «Звязды» расказаў намеснік міністра спорту і турызму Алег Андрэйчык.