Сеткавае выданне zviazda.by

Адзіны дзень бяспекі праводзіцца Міністэрствам па надзвычайных сітуацыях Рэспублікі Беларусь сумесна з іншымі зацікаўленымі ведамствамі (МУС, Міністэрствам аховы здароўя і Беларускім таварыствам Чырвонага Крыжа) штогод з 2018 года па ініцыятыве Дзяржаўнага сакратарыята Савета Бяспекі. Штуршком да яго правядзення паслужыла трагедыя ў гандлёвым цэнтры «Зімовая вішня» ў расійскім Кемерава, дзе ў 2018 годзе ў выніку пажару загінулі 60 чалавек, з іх 37 дзяцей, яшчэ 79 атрымалі траўмы.

У апошнюю пятніцу месяца на тэрыторыі краіны праводзіцца Адзіны дзень бяспекі дарожнага руху. Мерапрыемства праходзіць пад дэвізам «Учыніў ДТЗ — адказвай!» і накіравана на прафілактыку правапарушэнняў, звязаных з пакіданнем месца аварыі.

Пад дэвізам «Правілы выконваем — жыццё захоўваем!» 30 студзеня ва ўсіх рэгіёнах краіны праходзіць першы ў гэтым годзе Адзіны дзень бяспекі дарожнага руху. Маштабная прафілактычная акцыя ініцыяваная Дзяржаўтаінспекцыяй МУС.