Сеткавае выданне zviazda.by

32-гадовага свяшчэнніка Мікалая Ляшкевіча ведаюць нават тыя, хто асабіста з ім не знаёмы. Малады клірык актыўна прасоўвае асновы хрысціянскай веры ва ўсіх сацсетках і месенджарах. У яго сотні тысяч і нават мільёны праглядаў. Дзякуючы яму шмат хто адкрыў для сябе не толькі шлях да Бога, але і Краснаполле — маленькі гарадскі пасёлак на паўднёвым усходзе Магілёўшчыны, які моцна пацярпеў ад аварыі на ЧАЭС і напалову апусцеў.