Сеткавае выданне zviazda.by

Гаспадарка, цэнтральная сядзіба якой знаходзіцца ў аграгарадку Рэчкі, адна з перадавых у Магілёўскім раёне. Беларусы яе добра ведаюць па разнастайных мясных вырабах. У гаспадарцы гадуюцца птушкі, свінні, буйная рагатая жывёла, асноўныя кармы нарыхтоўваюцца тут жа на месцы. На 11 тысячах гектараў вырошчваюцца збожжавыя культуры і травы. Работа кіпіць круглы год, але вясновы перыяд наогул вельмі адказны — закладваецца будучы ўраджай. Карэспандэнт «Звязды» даведалася, ад чаго залежыць настрой механізатараў і як гаспадарка забяспечвае іх не толькі тэхнікай, але і абедамі.