Сеткавае выданне zviazda.by

Камітэт па працы, занятасці і сацыяльнай абароне Мінгарвыканкама 31 ліпеня з 10:00 да 12:00 праводзіць спецыялізаваны электронны кірмаш вакансій для інвалідаў. Яна пройдзе на сайце e-vacancy.by. Аб гэтым паведамляюць «Минск-Новости» са спасылкай на сталічную службу занятасці насельніцтва.

Каля 65% грамадскага транспарту ў Беларусі адаптавана для людзей з інваліднасцю і фізічна аслабленых асоб. Аб гэтым БелТА расказала начальнік упраўлення па справах інвалідаў Міністэрства працы і сацыяльнай абароны Вікторыя Грэчка.

Рэльефна-графічныя дапаможнікі для інвалідаў па зроку распрацоўваюць у РУП «Белкартаграфія», з’явіліся эксперыментальныя творы. З якімі цяжкасцямі пры гэтым сутыкаюцца спецыялісты, растлумачыла дырэктар прадпрыемства Іна Шлык, паведамілі ў прэс-службе Дзяржаўнага камітэта па маёмасці.

Здараецца, што людзі, звычайнае жыццё якіх перарвала інваліднасць, поўнасцю губляюць сэнс жыць далей, апускаючы рукі. Аднак у Віцебскай абласной арганізацыі грамадскага аб’яднання «Беларускае таварыства інвалідаў» добра ведаюць, як пераўтварыць абмежаванасць здароўя ў перавагу і знайсці сябе, бо менавіта ў горадзе на Дзвіне дзейнічае адзіная ў Беларусі каманда па футболе на электракалясках.

Гомельскі дзіцячы сацыяльны пансіянат «Шчаслівыя ўсмешкі» прадставіў у сталічным Тэатры-студыі кінаакцёра свой інклюзіўны спектакль «Паўлінка» па матывах п’есы Янкі Купалы. Выхаванцы ўстановы, якія маюць ментальныя асаблівасці, нараўне са сваімі выкладчыкамі, выхавацелямі і псіхолагамі ўвасобілі на сцэне вобразы беларускага класіка. Сам выхад да гледачоў для многіх юных акцёраў — вялікая перамога. Аднак адметна, што такіх перамог у выхаванцаў «Шчаслівых усмешак» ужо нямала — большасць з іх мела ролі ў трох папярэдніх спектаклях. А летась калектыў пансіяната быў узнагароджаны спецыяльнай прэміяй Прэзідэнта Беларусі за развіццё творчага патэнцыялу дзяцей і маладых людзей з інваліднасцю і інтэграцыю інклюзіўнага мастацтва ў культурную прастору краіны.

Урад унёс змены ў 18 пастаноў у рамках Закона аб занятасці насельніцтва. Асноўныя новаўвядзенні датычацца падыходаў да працаўладкавання людзей з інваліднасцю, парадку ўстанаўлення броні прыёму на работу, працаўладкавання бацькоў, абавязаных кампенсаваць расходы, затрачаныя дзяржавай на ўтрыманне дзяцей, якія знаходзяцца на дзяржаўным забеспячэнні, кампенсацыі затрат на аплату працы грамадзян, якія вызваліліся з месцаў пазбаўлення волі. Пра гэта расказалі ў прэс-службе Міністэрства працы і сацыяльнай абароны.

Да 20 гадоў Аксана вяла звычайны лад жыцця, які характэрны ўсім маладым дзяўчатам: вучылася, займалася вакалам, танцавала. Яе жыццё перавярнуў усяго адзін дзень, які падзяліў далейшае існаванне на «да» і «пасля»: дзяўчына, мыўшы акно, выпала з дзявятага паверха. Сусед, які стаў сведкам трагедыі, аператыўна выклікаў хуткую дапамогу, урачам удалося выратаваць Аксану.

Нібыта ў сонечных прамянях песціцца легендарная Фара Вітаўта — так называлі касцёл Найсвяцейшай Панны Марыі ў Гродне, закладзены яшчэ ў XІV стагоддзі не менш легендарным князем. Мала хто цяпер можа распавесці, якім ён быў, але ёсць выявы, што дапамагаюць зразумець і адчуць подых даўніны. Своеасаблівай рэканструкцыяй страчаных аб’ектаў спадчыны займаецца мастак-манументаліст Васіль Зянько — ён робіць іх бачнымі нават для невідушчых! У гэтым можна ўпэўніцца, наведаўшы Нацыянальны мастацкі музей Беларусі, дзе прадстаўлены яго арт-праект «Архітэктурная спадчына... кропкі...»

Інклюзіўны арт-праект Васіля Зянько «Паэзія кропак...» для невідушчых і людзей са слабым зрокам прадстаўлены ў арт-гасцёўні «Высокае мѣста». З 2018 года мастак працуе над унікальным аўтарскім кірункам. Творы, выкананыя ў аб’ёмна-контурнай тэхніцы, даступныя для тактыльнага ўспрымання і чытання.