Вы тут

«Золата» ў працы i на зямлi


Сёлета на рэспублiканскiм свяце хлебаробаў «Дажынкi» дэлегацыя Вiцебскага раёна была адной з самых шматлiкiх. Менавiта Вiцебскi край стаў пераможцам у адпаведным рэйтынгу. Сёння ў раёне ствараюць «залатое кола»: вакол абласнога цэнтра наводзяць еўрапейскi лоск i распрацоўваюць незвычайныя турыстычныя маршруты.

З гэтай нагоды наш карэспандэнт задаў старшынi Вiцебскага райвыканкама Руслану Фурашову тры пытаннi.

— Па традыцыi, да наступных «Дажынак» пачынаюць рыхтавацца адразу пасля папярэдняга свята хлебаробаў. Хто сёлета прадстаўляў раён на «Дажынках»?

— У складзе нашай дэлегацыi на сёлетнiх «Дажынках» былi сем чалавек. Гонару ўзяць удзел у свяце ўдастоiлiся два сельскагаспадарчыя прадпрыемствы — ААТ «Рудакова» i «Альгоўскае», а таксама лепшыя механiзатары i камбайнеры. У гэтым годзе мы атрымалi 75 тысяч тон збожжавых пры сярэдняй ураджайнасцi 27,1 цэнтнера з гектара. Гэта, безумоўна, не рэкорд, бо былi нашмат лепшыя ўраджаi. Але ў агульным аб'ёме вытворчасцi сельскагаспадарчай прадукцыi па вобласцi наш раён займае адно з вядучых месцаў. Спецыялiзуемся на вытворчасцi малака, мяса, збожжа, бульбы, гароднiны. Ёсць цяплiчны камбiнат у адкрытым акцыянерным таварыстве «Рудакова», комплексы па вытворчасцi ялавiчыны ў ААТ «Лiпаўцы» i свiнiны ў фiлiяле «Лучоса» ААТ «Вiцебскi камбiнат хлебапрадуктаў», ААТ «Вiцебская бройлерная птушкафабрыка».

— Руслан Васiльевiч, на Вiцебшчыне актыўна рэалiзуецца праграма «Чыстыя палi». Што робiцца ў гэтым кiрунку ў вашым раёне?

— Вiцебскi раён — прыгарад абласнога цэнтра, i, зразумела, гэта абавязвае надаваць асаблiвую ўвагу навядзенню парадку. У раёне сярод iншых дзейнiчаюць дзве мелiярацыйныя арганiзацыi, якiя пастаянна займаюцца выдаленнем драўнiнна-хмызняковай раслiннасцi i павелiчэннем контуру землекарыстання. У вынiку гэты паказчык павялiчылi фактычна ў два разы.

— Каб убачыць нешта цiкавае, не абавязкова далёка ехаць. Чым, на ваш погляд, можа прывабiць турыстаў раён?

— У нас больш як 200 помнiкаў археалогii, у тым лiку 34 помнiкi археалогii, з iх 13 — рэспублiканскага значэння (гарадзiшчы ранняга жалезнага веку). У рэспублiканскi спiс гiсторыка-культурных каштоўнасцяў уключаны 54 помнiкi гiсторыi i культуры раёна. Недалёка ад Вiцебска знаходзiцца маёнтак вядомага на ўвесь свет рускага мастака Iльi Рэпiна. У Вiцебскiм раёне, дарэчы, расце самая вялiкая сасна Беларусi — каля вёскi Сушчава. Яе дыяметр — 140 сантыметраў, вышыня — каля 30 метраў, а прыкладны ўзрост — 250 гадоў. Ёсць i iншыя ўнiкальныя месцы. I гэты патэнцыял трэба выкарыстоўваць.

Падрыхтаваў Аляксандр ПУКШАНСКI

Выбар рэдакцыі

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.

Грамадства

Як у маладой рэспубліцы ўвасаблялі амбіцыйны праект універсітэцкага гарадка...

Як у маладой рэспубліцы ўвасаблялі амбіцыйны праект універсітэцкага гарадка...

Асобнае месца займае будынак гімназіі Зубакіна і Фальковіча.

Эканоміка

Баляслаў Пірштук: Будучыня — за «зялёнай» эканомікай

Баляслаў Пірштук: Будучыня — за «зялёнай» эканомікай

З кожным днём на нашых дарогах усё больш электратранспарту.

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.