Беларусы ў студзені былі чыстымі прадаўцамі замежнай валюты, а юрыдычныя асобы — чыстымі пакупнікамі. Аб гэтым гаворыць статыстыка Нацыянальнага банка.
Так, у мінулым месяцы фізічныя асобы прадалі наяўнай і безнаяўнай валюты на 787,6 млн долараў ЗША ў эквіваленце, а набылі — 713,1 млн. Такім чынам, чысты продаж валюты за студзень склаў 74,5 млн долараў. Аднак насельніцтва набыло на чыстай аснове 24,4 млн долараў безнаяўнай валюты. А вось продаж фізічнымі асобамі гатоўкі за студзень склаў 710,8 млн долараў, купля — 611,8 млн. Атрымліваецца, што чысты продаж склаў 99 млн долараў. У сваю чаргу, суб'екты гаспадарання — рэзідэнты Беларусі — за студзень прадалі замежнай валюты на 1,6673 млрд долараў, набылі — 1,7564 млрд. Чыстая купля склала 89,2 млн. Юрыдычныя асобы — нерэзідэнты Беларусі прадалі за студзень 74,3 млн долараў у эквіваленце, а набылі — 106,7 млн, прычым чыстая купля склала 32,4 млн.
Уладзіслаў КУЛЕЦКІ.
Сумесныя праекты ядзерных тэхналогій.