Для Віцебска Дзень дэсантнікаў і сіл спецыяльных аперацый Узброеных Сіл — асаблівы па многіх прычынах. Менавіта віцебскія дэсантнікі першымі ўвайшлі ў Афганістан і апошнімі пакінулі гэтую краіну, выконвалі інтэрнацыянальны абавязак у многіх іншых «гарачых кропках» планеты. 16 салдатаў і афіцэраў сталі Героямі Савецкага Саюза.
Па добрай традыцыі 2 жніўня ўсе ахвотныя змаглі наведаць месца дыслакацыі насамрэч універсальных воінаў ХХІ стагоддзя.
Нягледзячы на анамальную спякоту, тысячы гараджан і гасцей горада прыйшлі ў госці да тых, хто служыць у 103-й гвардзейскай асобнай мабільнай брыгадзе. Яны працягваюць слаўныя традыцыі дэсантнікаў. Асабліва цікава ў гэты дзень было хлопчыкам. Калі яшчэ не проста ўбачыш тэхніку і зброю, але і пасядзіш унутры ваенных машын, і на спецыяльных трэнажорах адчуеш сябе парашутыстам?
Паказальныя выступленні армейцаў, як заўсёды, выклікалі фурор. Як парашутысты могуць вельмі дакладна прызямляцца і пры гэтым не ўпасці, а разведчыкі — разбіваць аб галаву плітку і бутэлькі, а потым адначасова весці рукапашны бой і страляць!? Але гэта не цуд, а вынік карпатлівых штодзённых трэніровак. Відовішчам стала і дэманстрацыя таго, як ліквідуецца тэрарыстычнае фарміраванне...
— Кіраўніком дзяржавы, Вярхоўным галоўнакамандуючым, надаецца дастаткова вялікая ўвага развіццю і аснашчэнню сіл спецыяльных аперацый. Літаральна на мінулым тыдні завершаны выпрабаванні сродкаў абароны: новых шлема і бронекамізэлькі. У Віцебску падыходзіць да завяршэння выпрабаванне аўтамабіля «Волат», прызначанага для выканання спецыяльных задач, — расказаў Алег БЕЛАКОНЕЎ, начальнік Генеральнага штаба Узброеных Сіл — першы намеснік міністра абароны Беларусі.
Як дадаў Вадзім ДЗЕНІСЕНКА, камандуючы сіламі спецыяльных аперацый Узброеных Сіл, калі гаварыць пра ўмовы службы, у 103-й гвардзейскай асобнай мабільнай брыгадзе яны — самыя лепшыя. А тыя, хто тут служыць, — гонар, эліта арміі Беларусі.
Сенсацыяй можна лічыць навіну пра тое, што ў наступным годзе гвардзейцы ўпершыню ў гісторыі беларускай арміі разам з расійскімі братамі па зброі будуць дэсантаваць Паўночны полюс. І няма сумненняў, што полюс ім пакарыцца!
Аляксандр ПУКШАНСКІ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».