На Віцебшчыне пераадолелі мільённы рубеж па намалоце збожжа. У Прыдзвінскім краі таксама выкананы план пастаўкі збожжа дзяржаве.
Аляксандр Косінец, старшыня Віцебскага аблвыканкама, знаходзячыся з візітам у Дубровенскім раёне, асабіста падзякаваў за мільённую тону камбайнерам гаспадаркі «Баброва-Агра». Паводле яго слоў, сёлета Дубровеншчына можа ўпершыню намалаціць 100 тысяч тон збожжавых. Сярэдняя ўраджайнасць тут 36,4 цэнтнера з гектара, а ў цэлым па вобласці — каля 27,4 ц/га.
Дзякуючы павелічэнню контурнасці палёў, апрацоўцы зямлі, якая раней не выкарыстоўвалася для сельскагаспадарчых патрэб, актыўнаму ўнясенню мінеральных угнаенняў аграрыі Віцебшчыны за апошнія некалькі гадоў дабіліся значных поспехаў. Павялічылася ўраджайнасць і якасць здадзенага збожжа. У планах — ураджайнасць да 100 цэнтнераў з гектара. Зусім не фантастычным здаецца і намер штогод атрымліваць каля 2 мільёнаў тон збожжавых. Гэта магчыма, калі вяскоўцы будуць прытрымлівацца тэхналогій і пры ўмове «ваеннай дысцыпліны» на працоўных месцах.
Аляксандр ПУКШАНСКІ.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».