Семінар з удзелам кіраўнікоў рэспубліканскіх СМІ адбыўся на базе 5‑й асобнай брыгады спецыяльнага прызначэння, што ў Мар'інай Горцы. Абмяркоўвалі пытанні вайсковыя — будаўніцтва і развіццё Узброеных Сіл краіны.
Акрамя таго, удзельнікі семінара — а гэта каля 30 прадстаўнікоў кіруючага складу СМІ — пазнаёміліся з вучэбна-матэрыяльнай базай славутай вайсковай часці, паназіралі за правядзеннем заняткаў па тактыка-спецыяльнай падрыхтоўцы, наведалі музей гісторыі і баявой славы брыгады і 334‑га асобага атрада спецыяльнага прызначэння. На вайсковым стрэльбішчы славутай «пяцёркі» давялося ўбачыць узоры ўзбраення, ваеннай і спецыяльнай тэхнікі, уніформу і экіпіроўку сіл спецыяльных аперацый беларускай арміі. А некаторыя кіраўнікі СМІ нават апрабавалі стралковую зброю падчас выканання практыкаванняў.
— Мне як чалавеку, які адказвае за баявую гатоўнасць Узброеных Сіл, хацелася б, каб вы на свае вочы пабачылі яе рэальны стан, — зазначыў начальнік Генеральнага штаба Узброеных Сіл — першы намеснік міністра абароны Рэспублікі Беларусь генерал-маёр Алег БЕЛАКОНЕЎ. — І вы можаце асабіста пераканацца, што беларуская армія здольная забяспечыць нашым грамадзянам спакойны сон і мірную працу.
Кар. «Звязды».
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».