Сярод айчынных доўгажыхароў мужчын у сем разоў менш, чым жанчын: 71 і 497 чалавек адпаведна. Большасць стагадовых пенсіянераў — 112 бабуль і дзядуляў — знаходзіцца ў Гродзенскай вобласці. На другім месцы па колькасці доўгажыхароў — Мінская вобласць (104 чалавекі). У Мінску векавы юбілей ужо адзначылі 78 старых, на Віцебшчыне — 74, на Брэстчыне — 71. Апошнімі ў геранталагічным рэйтынгу сталі Гомельская і Магілёўская вобласці. Тут налічваецца 67 і 62 стагадовыя чалавекі адпаведна.
Дзесяці беларусам споўнілася больш за 110 гадоў. З іх па тры чалавекі жывуць у Гродзенскай і Мінскай абласцях, па два — у Брэсцкай і Віцебскай.
Чаму ў рэйтынгу доўгажыхароў лідзіруе менавіта Гродзеншчына, спецыялісты адказаць пакуль не могуць: няма навуковага даследавання, на падставе якога можна было б зрабіць пэўныя высновы. Па словах работнікаў Беларускай медыцынскай акадэміі паслядыпломнай адукацыі, на здароўе моцна ўплывае наваколле (каля 40 працэнтаў) і спадчыннасць (20 працэнтаў). Працягласць жыцця залежыць таксама ад харчавання, умоў працы і быту, узроўню сістэмы аховы здароўя. Дарэчы, да аварыі на Чарнобыльскай АЭС больш за ўсё стагадовых пенсіянераў было на Гомельшчыне. Палессе тады знаходзілася нароўні з традыцыйнымі савецкімі лідарамі — Нагорным Карабахам і Грузіяй. Аднак справа не толькі ў экалогіі. Самай чыстай ад радыяцыі з'яўляецца Віцебская вобласць, а экалагічную сітуацыю ў Мінску, які ўвайшоў у тройку лідараў па колькасці доўгажыхароў, складана назваць ідэальнай.
Наталля ЛУБНЕЎСКАЯ.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».