У сувязі з увядзеннем з 1 верасня 2015/2016 навучальнага года на ІІІ ступені агульнай сярэдняй адукацыі профільнага навучання, пералік уступных іспытаў для тых, хто плануе паступаць у ліцэі, будзе вызначацца самой установай адукацыі па ўзгадненні з аддзелам (упраўленнем) адукацыі, спорту і турызму.
Як патлумачылі журналісту «Звязды» ў галоўным адукацыйным ведамстве, пералік экзаменацыйных іспытаў залежыць ад пераліку профільных вучэбных прадметаў, што будуць вывучацца ў ліцэі на павышаным узроўні. Напрыклад, гэта могуць быць матэматыка і замежная мова або хімія і матэматыка.
Уступныя іспыты ў Ліцэй БДУ пройдуць 10,17, 23 і 24 мая. А ва ўсіх іншых ліцэях, што рэалізуюць праграму агульнай сярэдняй адукацыі, экзамены праводзяцца ў перыяд з 15 па 20 чэрвеня.
Рэкамендацыі аб асаблівасцях арганізацыі профільнага навучання будуць размешчаны на партале Міністэрства адукацыі і апублікаваны ў «Настаўніцкай газеце» да 1 мая 2015 года.
Надзея НІКАЛАЕВА.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
