Пра гэта заявіў карэспандэнту «Звязды» пасля дзелавога форуму Шанхайскай арганізацыі супрацоўніцтва (ШАС) на Санкт-Пецярбургскім міжнародным эканамічным форуме генеральны сакратар Шанхайскай арганізацыі супрацоўніцтва Дзмітрый Мезанцаў.
«Беларусь з'яўляецца актыўным, зацікаўленым партнёрам па дыялогу ШАС. І мы зычым ёй назапашваць новы вопыт і новыя якасці ўзаемадзеяння з усімі без выключэння краінамі ШАСаўскай сям'і і павышаць свой статус у арганізацыі», — сказаў генеральны сакратар.
— Гэта тычыцца больш палітычнага ці эканамічнага складніка?
— Нельга так дзяліць. У краін — членаў ШАС баланс інтарэсаў і практыка ўзаемадзеяння падкрэсліваюць тыя прыярытэты, у якіх арганізацыя склалася, — узаемадзеянне ў палітыка-дыпламатычнай сферы, гандлёва-эканамічнай і культурна-гуманітарнай.
Нагадаем, што сёння наша краіна з'яўляецца партнёрам па дыялогу ШАС. Гэты статус яна атрымала ў 2010 годзе. Апошнім часам Беларусь імкнецца змяніць свой статус у арганізацыі і стаць назіральнікам. Пра такі намер заявіў нядаўна міністр замежных спраў Беларусі Уладзімір Макей па выніках праведзеных ў Маскве перамоў з міністрам замежных спраў Расіі Сяргеем Лаўровым.
Уладзіслаў КУЛЕЦКІ
kuletskі@zvіazda.by
г. Санкт-Пецярбург
Сумесныя праекты ядзерных тэхналогій.