Паставім на колы


Казахстан зацікаўлены ў нашай сельскагаспадарчай тэхніцы.

Пра гэта заявіў старшыня камітэта па аграрных пытаннях Мажыліса Парламента Казахстана Ромін Мадзінаў перад сустрэчай з дэпутатамі Палаты прадстаўнікоў Нацыянальнага сходу Беларусі.

«Вы ведаеце, што ў нас ужо адкрыта вытворчасць вашых трактароў. Гэта тэхніка запатрабавана таксама ў Сярэдняй Азіі. Акрамя таго, у Астане будзе пабудаваны сумесны завод па вытворчасці сельгастэхнікі. Нас цікавіць і ваш вопыт у галіне малочнай вытворчасці», — паведаміў Ромін Мадзінаў.

Пры гэтым старшыня Пастаяннай камісіі Палаты прадстаўнікоў па аграрнай палітыцы Віктар Шчэцька адзначыў, што Казахстан пацвярджае зацікаўленасць у беларускай сельскагаспадарчай тэхніцы. «Нам трэба ісці туды. Падчас наведвання Мінскага трактарнага завода з парламентарыямі з Казахстана мы будзем весці пра гэта размову. Казахстану таксама патрэбны камбайны, і неабходна працаваць у гэтым напрамку», — сказаў беларускі парламентарый.

Дарэчы, на думку Роміна Мадзінава, Беларусь і Казахстан павінны не канкурыраваць адно з адным, а шукаць агульныя падыходы, каб разам прадаваць прадукцыю за межы Мытнага саюза, нарошчваць свой тавараабарот: «Для гэтага дэпутаты павінны стварыць прававыя асновы і агучыць праблемы, каб урады дзвюх краін рухаліся далей».

Сёння тавараабарот паміж нашымі краінамі складае 1,2 млрд долараў. За 2014 год ён вырас на 21%. Казахстанскія калегі прагназуюць далейшы штогадовы прырост на ўзроўні 10%.

Парламенцкая дэлегацыя Казахстана знаходзіцца з візітам у Беларусі з 9 па 13 ліпеня. Парламентарыі наведаюць Мінскую агароднінную фабрыку, Мінскі трактарны завод і Навукова-практычны цэнтр НАН Беларусі па земляробстве.

Уладзіслаў КУЛЕЦКІ

kuletskі@zvіazda.by

 

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.