Прыём дакументаў на бюджэтную форму навучання ў дзяржаўных ВНУ завяршыўся, але ў добра падрыхтаваных абітурыентаў яшчэ ёсць магчымасць атрымаць прэстыжную спецыяльнасць без прыцягнення фінансавых сродкаў.
Міжнародны ўніверсітэт «МІТСО» трэці год запар прадастаўляе месцы з правам бясплатнага навучання для самых паспяховых абітурыентаў, якія паступаюць на дзённую форму атрымання адукацыі. У бягучым годзе ў Мінску выдзелена 80 бясплатных месцаў і па 15 — у філіялах універсітэта ў Гомелі і Віцебску. Прэтэндаваць на іх могуць абітурыенты, якія набралі ў суме больш як 250 балаў (за тры сертыфікаты ЦТ і атэстат).
Паколькі гэта не бюджэтныя месцы, абавязковага размеркавання пасля заканчэння вучобы не будзе. Аднак права вучыцца бясплатна студэнтам давядзецца штогод пацвярджаць. Калі паспяховасць студэнта-бясплатніка з нейкіх прычын зніжаецца, магчымасць бясплатнага навучання пераходзіць да іншага студэнта, які дэманструе больш высокі ўзровень ведаў.
Дакументы ад прэтэндэнтаў на бясплатнае навучанне будуць прымацца ў МІТСО да 2 жніўня.
Надзея НІКАЛАЕВА
nіkalaeva@zvіazda.by
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
