Вы тут

Шукаць нафту дапамогуць партнёры?


Найбуйнейшая сэрвісная кампанія ў нафтагазавым сектары «Шлюмбержэ» зацікаўлена ў супрацоўніцтве з беларускімі прадпрыемствамі ў сферы разведкі вуглевадародаў.

Перспектывы такога супрацоўніцтва прадстаўнікі геолагаразведачнай і нафтагазавай сферы краіны і кіраўніцтва расійскага падраздзялення кампаніі «Шлюмбержэ» абмеркавалі падчас сустрэчы ў Мінпрыроды.

Па словах міністра прыродных рэсурсаў і аховы навакольнага асяроддзя Андрэя Каўхуты, кампанія звярнулася ў Мінпрыроды з прапановай прымяніць свае тэхналогіі для павелічэння здабычы нафты і больш дэталёвага вывучэння радовішчаў вуглевадароднай сыравіны на тэрыторыі краіны.

Некаторыя беларускія прадпрыемствы ўжо маюць вопыт супрацоўніцтва з кампаніяй «Шлюмбержэ», але цяпер упершыню загаварылі аб комплексным, рэспубліканскім падыходзе да гэтай дзейнасці, з каардынацыяй усіх геалагічных арганізацый і службаў.

Прапаноў, што паступілі ад замежнай кампаніі, было шмат — ад прымянення ў Беларусі канкрэтных распрацовак кампаніі да стварэння спецыяльнай структуры, якая магла б супрацоўнічаць з замежнымі партнёрамі больш мэтанакіравана.

— Мы абмеркавалі пытанні супрацоўніцтва з кампаніяй, але пакуль не вызначыліся з яго формай, — адзначыў міністр. — Будзе створана рабочая група, якая падрыхтуе прапановы, наша бачанне супрацоўніцтва, і затым вызначыць яго фармат. У гэтым працэсе будуць задзейнічаны ўсе беларускія арганізацыі, якія займаюцца геолагаразведачнымі работамі, у тым ліку НПЦ па геалогіі, кампанія «Беларуснафта» і інш.

Па словах Андрэя Каўхуты, беларусам таксама ёсць што сказаць замежным калегам:

— Мясцовыя спецыялісты маюць дастаткова вялікі вопыт разведкі радовішчаў, які можа быць выкарыстаны для іншых тэрыторый свету. І мы бачым зацікаўленасць кампаніі да нашай працы.

Вераніка КОЛАСАВА

kolasava@zviazda.by

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.