Літаратурны музей імя Петруся Броўкі сёння ладзіць вечар эстонскай анімацыі, дзе адбудзецца знаёмства з творчасцю цікавых мастакоў — Прыйна Пярна, які працуе ў сферы анімацыйнага кіно з 1977 года, і Вольгі Пярн — нашай суайчынніцы, якая да сустрэчы з мастаком працавала на студыі анімацыйнага кіно «Беларусьфільма».
З 2005 года аўтары ствараюць сумесныя праекты. Вечарам увазе наведвальнікаў будзе прадстаўлены кароткаметражны анімацыйны фільм «Вадалазы пад дажджом», асабліва цікавы, як лічаць арганізатары, напярэдадні Дня закаханых.
Анімацыйная стужка, знятая ў 2009 годзе, атрымала ўжо больш за трыццаць узнагарод. Самі аўтары характарызуюць свой фільм як «камунальную сатыру», якая ў іранічнай манеры паказвае адзін дзень з жыцця сям'і вадалаза і дантыста.
Вікторыя АСКЕРА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.