Вы тут

Сустрэча з кнігай. І... аўтарам


Мы прызвычаіліся думаць, што бібліятэка — гэта цішыня і паліцы кніг. Але ж і сярод іх, як высвятляецца, можна цікава ды весела бавіць час. У гэтым пераканаецеся, калі разам з дзеткамі наведаеце сталічную дзіцячую бібліятэку №10.


Асаблівасць яе ў тым, што тут шмат памяшканняў. Акрамя абанементаў і чытальных залаў (для старэйшага ўзросту з камп'ютарамі, для малодшага — са столікамі і «мядзведжым кутком»), ёсць яшчэ некалькі пакояў: у тым ліку для мерапрыемстваў — з авальным сталом, для гульняў — з цацкамі і дыванком, з каляровымі кнігамі для дашкольнікаў.

Маючы такія магчымасці, такую прастору, бібліятэка ў рамках «педагагічнай майстэрні» прапануе маленькім чытачам школу ранняга развіцця «0+. Чытаем дзецям», сутнасць якой заключаецца ў арганізацыі навучальнага працэсу праз гульнявую, даследчую дзейнасць, праз творчасць. Школа складаецца з дзвюх груп: для дзетак ад 1 года да 2 і ад 2 да 5.

Малых тут чакаюць сустрэчы з кнігамі і іх аўтарамі, знаёмствы з цікавымі людзьмі, майстар-класы і шмат-шмат іншага. Ну а вядуць заняткі ў «школе» самі бібліятэкары, прычым на добраахвотных пачатках, так што займацца можна бясплатна. Гэта добрая альтэрнатыва дзіцячым цэнтрам. Да таго ж бібліятэка з маленства прывівае дзецям любоў да кніг і чытання, а таксама — да роднай мовы.

Нядаўна, да прыкладу, у рамках рэспубліканскай акцыі «Сямейнае чытанне», адным з арганізатараў якой з'яўляецца Выдавецкі дом «Звязда», у бібліятэцы адбылася сустрэча з пісьменнікам Анатолем Зэкавым. На мерапрыемства былі запрошаны вучні сталічнай гімназіі №11, дзе праходзіў Тыдзень беларускай мовы. Таму дзеці з асаблівай цікавасцю слухалі аўтара, разгадвалі загадкі, атрымлівалі каляндарыкі, а напрыканцы — аўтографы, ад якіх кнігі станавіліся нашмат даражэйшымі.

Святлана Тоўсцік, г. Мінск

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.