Бульбяныя тарталеткі

Спатрэбіцца: бульба — 8 шт., курынае філе — 700 г, маянэз — 200 г, часнок — 3 зубчыкі, сыр цвёрды — 150 г, зялёная цыбуля — пучок, соль, перац, алей.

• Курынае філе нарэзаць сярэднімі кубікамі.
• У патэльню наліць вады (прыблізна шклянку), дадаць маянэз і выкласці кавалачкі курынага філе. Пасаліць, паперчыць.
• Тушыць пад вечкам 30 хвілін.
• Дадаць нарэзаны часнок.

Начынка для тарталетак гатовая.

• Бульбу абабраць і надзерці на буйной тарцы, пасаліць і паперчыць.
• Формачкі для кексаў (лепш з антыпрыгарным пакрыццём) добра прамазаць алеем. Выкласці надзёртую бульбу ў форме кошыкаў. У сярэдзіну — начынку з курыцы.
• Ставім у разагрэтую духоўку (тэмпература ~ 240 градусаў). Пакуль тарталеткі знаходзяцца ў духоўцы, надзіраем сыр і рэжам зялёную цыбулю.
• Сыр і цыбулю змешваем.
• Праз 20—25 хвілін дастаём тарталеткі з духоўкі і пасыпаем зверху сырам з цыбуляй.
• Яшчэ раз адпраўляем іх у духоўку хвілін на 5—10.