З 20 жніўня ў краіне распачынаецца сезон палявання на капытных жывёл. У гэтай сувязі ўсе падраздзяленні Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь будуць працаваць ва ўзмоцненым рэжыме.
З названай даты можна будзе здабываць ласёў, аленяў (высакародных і плямістых), ланяў. Доўжыцца сезон палявання на капытных па 30 верасня. У гэты час дазволена здабыча дарослых самцоў і селекцыйных жывёл любога полу і ўзросту цягам сутак зброевым спосабам з засады і падыходу. Пры гэтым можна выкарыстоўваць наразную паляўнічую зброю з дульнай энергіяй звыш 3000 джоўляў, гладкаствольную паляўнічую зброю і кулявыя патроны, а таксама паляўнічыя лукі і арбалеты пэўных параметраў.
У наступныя выхадныя дні ўсе падраздзяленні Дзяржінспекцыі будуць задзейнічаны на кантрольных мерапрыемствах, скіраваных на прадухіленне незаконных паляванняў, якія пройдуць ва ўсіх раёнах і паляўнічых угоддзях краіны.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
