Рэспубліканскі конкурс на самую лепшую групу ў сацыяльных сетках сярод устаноў вышэйшай адукацыі абвясціла Міністэрства адукацыі.
У конкурсе змогуць прыняць удзел афіцыйныя старонкі (групы) устаноў вышэйшай адукацыі Рэспублікі Беларусь, зарэгістраваныя ў сацыяльных сетках.
Яны будуць ацэньвацца па наступных крытэрыях: афармленне (дызайн), рэгулярнасць абнаўлення старонкі, колькасць удзельнікаў, уцягнутасць аўдыторыі (колькасць лайкаў, каментарыяў, перапостаў), унікальнасць і цікавасць зместу, суадносіны знешняга і ўласнага кантэнту, этычнасць ва ўзаемадзеянні з удзельнікамі, нестандартныя і інавацыйныя падыходы да прыцягнення і ўтрымання цікавасці аўдыторыі і іншых.
Пераможцы конкурсу будуць выбраны на падставе вынікаў галасавання за канкурсантаў, арганізаванага на старонцы ўпраўлення па справах моладзі ў Facebook і групе «ВКонтакте», а таксама на падставе меркаванняў членаў журы конкурсу, у якое ўвойдуць прадстаўнікі Міністэрства адукацыі, Міністэрства інфармацыі, грамадскіх аб'яднанняў і сродкаў масавай інфармацыі.
Мэта конкурсу — развіццё адзінай маладзёжнай інфармацыйнай прасторы і папулярызацыя дзяржаўнай маладзёжнай палітыкі ў інтэрнэце.
Надзея НІКАЛАЕВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
