Вы тут

Памёр першы прэзідэнт Славакіі Міхал Ковач


Першы прэзідэнт Славакіі Міхал Ковач, які кіраваў краінай з 1993 па 1998 год, памёр ад спынення сэрца. Яму было 85 гадоў.


Фота: BBC

Раней Ковач быў шпіталізаваны з хваробай сэрца. Мясцовыя СМІ адзначаюць, што 30 верасня першага прэзідэнта Славакіі забралі ў аддзяленне рэанімацыі, але яго стан пагоршыўся, і ўрачы былі вымушаныя ўвесці яго ў стан штучнага сну.

Міхал Ковач нарадзіўся ў 1930 годзе. Ён скончыў Браціслаўскі ўніверсітэт эканомікі і працаваў у розных фінансавых установах, у тым ліку ў Дзяржаўным чэхаславацкім банку.

З 12 снежня 1989 года па 17 мая 1991 года ён быў міністрам фінансаў Славацкай федэратыўнай рэспублікі. У пачатку 1991 года Ковач стаў адным з заснавальнікаў і віцэ-старшынёй партыі "Рух за дэмакратычную Славакію".

Пры гэтым яшчэ ў 1990 годзе Ковача абралі дэпутатам Федэральнага сходу Чэхаславакіі. У 1992 годзе ён стаў яго апошнім старшынёй і сыграў важную ролю ў канчатковым выдзяленні Славакіі ў незалежную дзяржаву.

BBC

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.

Эканоміка

У сельскай гаспадарцы трэба кардынальна мяняць павышэнне кваліфікацыі

У сельскай гаспадарцы трэба кардынальна мяняць павышэнне кваліфікацыі

«МС» пагутарыла з вядомым у Беларусі вучоным-аграрыем.

Грамадства

Андрэй Кароль: Студэнтаў трэба задзейнічаць у кухні па «прыгатаванні» ведаў

Андрэй Кароль: Студэнтаў трэба задзейнічаць у кухні па «прыгатаванні» ведаў

Рэктар БДУ пра нешаблоннае мысленне, эўрыстычнае навучанне і адмаўленне ад маналогу.