Вы тут

Медыяцыя дапамагае захаваць адносіны


Уладзімір паўгода абіваў парогі судоў, спрабуючы арганізаваць стасункі з сынам і вызначыць месца яго жыхарства з бацькам, а таксама вырашыць пытанне падзелу маёмасці. Пасля першай жа сустрэчы з медыятарам мужчына атрымаў магчымасць бачыцца з малым, а былая жонка адмовілася ад маёмасных прэтэнзій. Цяпер хлопчык праводзіць амаль аднолькава часу і з маці, і з бацькам. І гэта толькі адна гісторыя з сотняў тых, дзе медыятары дапамаглі людзям захаваць нервы і грошы.


— Зніжэнне нагрузкі на судовую сістэму і магчымасць захаваць пасля медыяцыі канструктыўнае партнёрства ў асабістых і працоўных адносінах — гэта асноўныя перавагі, што нясе ў сабе працэдура медыяцыі, — выказаўся Алег СЛІЖЭЎСКІ, міністр юстыцыі Беларусі падчас міжнароднага форуму «Камерцыйная медыяцыя ва Усходняй Еўропе і Цэнтральнай Азіі».

Гэтай жа думкі прытрымліваюцца і астатнія ўдзельнікі з 11 краін, якія за два дні работы абмеркавалі праблемы, якія існуюць у медыяцыі, спецыфіку работы і шляхі паляпшэння становішча ў медыяцыйнай сферы.

— Некалькі гадоў таму мы праводзілі падобнае мерапрыемства ў Бішкеку, і супрацоўніцтва, што склалася там, дзейнічае да гэтых часоў, — адзначыў Мішэль НУСБАЎМЕР, дырэктар праграмы Еўрапейскага банка рэканструкцыі і развіцця па прававых рэформах. — Спадзяюся, мінскі форум стане такім жа плённым і мы працягнем рэгіянальны дыялог.

Па выніках з'явіліся пэўныя нарматыўна-прававыя і практычныя рашэнні. Медыятары зразумелі, як ім наладжваць сваю работу далей. Мінюст абазначыў, што яшчэ трэба адкарэкціраваць у існуючым заканадаўстве.

— У нас створаны някепскія ўмовы для развіцця інстытута медыяцыі. Трэба больш практычнай дзейнасці і распаўсюджвання інфармацыі пра гэтую працэдуру, у тым ліку праз сацыяльную рэкламу, — зазначыў Алег Сліжэўскі.

Нізкая інфармаванасць насельніцтва і недавер людзей да працэдуры медыяцыі, звыклая практыка замоўчвання канфліктаў — асноўныя праблемы, што стрымліваюць медыяцыю, адзначалася падчас форуму.

Ірына СІДАРОК

sіdarok@zvіazda.by

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.