У нядзелю, 27 лістапада, на Брылёўскім полі ў Барысаўскім раёне адбудзецца ваенна-гістарычная рэканструкцыя «Беразіно-2016».
Фестываль праілюструе пераправу Напалеона цераз Бярэзіну каля беларускіх вёсак Студзёнка і Брылі. Тады, 204 гады таму, руская армія спрабавала акружыць абяскроўленыя войскі французскага імператара і канчаткова іх знішчыць. Бітва стала настолькі знакавай, што ў французскай мове з'явілася новае слова — «berezіna», якое азначае крушэнне ўсіх надзей. Ваенна-гістарычны фестываль, прысвечаны гэтаму змаганню, ужо даўно набыў міжнародны статус. На свяце чакаюць гасцей і ўдзельнікаў з Расіі, Украіны, краін блізкага і далёкага замежжа. У праграме таксама ўскладанне кветак да помнікаў рускім воінам, французскім салдатам, памятнага знака «Смутак і пакланенне», наведванне музея, майстар-класы па танцах, кірмашы-выставы народных рамеснікаў, інтэрактыўныя тэматычныя пляцоўкі для дарослых і дзяцей.
Таццяна ЛАЗОЎСКАЯ
Фота Анатоля КЛЕШЧУКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».