Вы тут

Аплачваць паслугі на пошце стала прасцей


Каб паскорыць абслугоўванне, «Белпошта» прапануе кліентам карыстацца нумарам плацельшчыка АРІП. Гэты нумар захоўвае ўсе плацяжы, якія вы перыядычна робіце (мабільная сувязь, камунальныя паслугі, тэлебачанне, інтэрнэт, падаткі і г. д.), а значыць, уводзіць іх рэквізіты кожны раз нанова не спатрэбіцца.


Калі вы аплачваеце паслугі праз касу, трэба сфарміраваць спіс сваіх штомесячных плацяжоў і перадаць іх аператару. Ён увядзе даныя ў сістэму, прысвоіць нумар вашай карзіне плацяжоў і выдасць картку з гэтым нумарам. Наступным разам, каб разлічыцца за тэлефон і камуналку, вам дастаткова будзе назваць толькі нумар АРІП. Карзіну плацяжоў, дарэчы, можна мяняць, уключаючы туды новыя паслугі.

Для тых, хто карыстаецца плацежна-даведачнымі тэрміналамі, алгарытм дзеянняў наступны. На экране выбіраеце кнопку «Плацяжы АРІП». Пазначаеце спосаб аплаты: наяўнымі або карткай. Пасля, замест таго каб паасобку шукаць патрэбныя паслугі ў дрэве АРІП, уводзіце свой адзіны нумар. На экране з'явіцца ваша карзіна плацяжоў (яны захоўваюцца аўтаматычна) з усімі неабходнымі рэквізітамі.

Новаўвядзенне даступна ва ўсіх аддзяленнях паштовай сувязі.

Наталля ЛУБНЕЎСКАЯ

lubneuskaya@zvіazda.by

Выбар рэдакцыі

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.

Грамадства

Мінпрацы — пра зарплаты бюджэтнікаў

Мінпрацы — пра зарплаты бюджэтнікаў

Спецыялісты Міністэрства працы і сацыяльнай абароны ў анлайн-рэжыме адказалі на некаторыя пытанні, звязаныя са змяненнем умоў аплаты працы работнікаў бюджэтных арганізацый з 1 студзеня 2020 года.

Спорт

Малады батутыст Іван Літвіновіч: Я зламаў сківіцу сваім жа каленам

Малады батутыст Іван Літвіновіч: Я зламаў сківіцу сваім жа каленам

Як хлопец з Вілейкі абыгрывае славутых кітайцаў.