26 Май, пятніца

Вы тут

Конкурс вусных выступленняў на японскай мове пройдзе ў БДУ 10 сакавіка


Мерапрыемства прымеркаванае да 25-годдзя ўстанаўлення дыпламатычных адносін паміж Беларуссю і Японіяй і скіравана на папулярызацыю культуры краіны ўзыходзячага сонца і японскай мовы.


Фота: kakprosto.ru

У цырымоніі адкрыцця плануюць прыняць удзел прадстаўнікі БДУ, амбасадар Японіі ў нашай краіне Хірокі Такунага, а таксама прадстаўнікі Асацыяцыі выкладчыкаў японскай мовы ў Беларусі.

У гэтым годзе ўдзельнікамі конкусру стануць 17 чалавек, сярод іх шэсць студэнтаў БДУ, чатыры студэнты МДЛУ, навучэнцы гімназіі “Эка-Эл”, слухачы курсаў японскай мовы “Хагакурэ” і Фонду "Чыро”. Тэмы для сваіх выступленняў канкурсанты выбіралі самастойна. Для прыкладу, на конкурсе можна будзе пачуць разважанні на японскай мове на тэму “Якім бы я хацеў бачыць свет”, “Відэагульні -- гэта дрэнна?” ці аповед пра “Мой важны жыццёвы ўрок”.

Працягласць выступлення  складае 5 хвілін. Калі канкурсант перавысіць ліміт, то журы здыме балы. Падчас маналогу нельга карыстацца даведачнай літаратурай ці чарнавікамі. Па заканчэнні выступлення кожнаму ўдзельніку зададуць па два пытанні на японскай мове, якія тычацца зместу заяўленай тэмы. Пры ацэньванні ўлічваецца  выразнасць аргументацыі, глыбіня думкі, арыгінальнасць і вымаўленне.

Пераможца становіцца кандыдатам на стажыроўку ў Японіі па праграме Японскага фонду ў Кансайскім міжнародным цэнтры. Пачатак навучання — верасень гэтага года. Уладальніку “сярэбранай” узнагроды прапануюць стажыроўку ў Японіі, прадастаўленую  кампаніяй “Токіа Інструментс”.

Мерапрыемства пройдзе на факультэце міжнародных адносін БДУ (вуліца Ленінградская, 20, аўдыторыя 1201). Пачатак у 13 гадзін.

Надзея НІКАЛАЕВА

Дадаць каментар

Выбар рэдакцыі

Медыя

Міжнароднае радыё «Беларусь» адзначае юбілей

Міжнароднае радыё «Беларусь» адзначае юбілей

...Сваё 55-год­дзе між­на­род­нае ра­дыё "Бе­ла­русь" ад­зна­чае цал­кам у штат­ным пра­цоў­ным рэ­жы­ме.

Грамадства

Чаго баіцца работадаўца, калі бачыць чалавека з інваліднасцю?

Чаго баіцца работадаўца, калі бачыць чалавека з інваліднасцю?

Стэрэатыпы замінаюць знайсці работу людзям з інваліднасцю, а ў маладых і здаровых яе могуць адабраць робаты.

Грамадства

Як арганізаваць стылізаванае вяселле

Як арганізаваць стылізаванае вяселле

Зміцер Сасноўскі — пра моду на стылізаваныя вяселлі, старабеларускія абрады і сумяшчэнне несумяшчальнага.

Эканоміка

Як палепшыць дзелавыя і інвестыцыйныя ўмовы ў Беларусі

Як палепшыць дзелавыя і інвестыцыйныя ўмовы ў Беларусі

 Адна з галоўных пераваг Беларусі — геаграфічнае становішча.