Форум рэгіёнаў садзейнічае ўмацаванню супрацоўніцтва Беларусі і Расіі. Пра гэта заявіў сёння ў Маскве журналістам старшыня Савета Рэспублікі Нацыянальнага сходу Беларусі Міхаіл Мясніковіч.
Форум рэгіёнаў праводзіцца штогод і запатрабаваны, бо кожны раз прырастае новымі ідэямі, кантрактамі, знаёмствамі, адзначыў Міхаіл Мясніковіч. На яго думку, гэта сведчыць аб тым, што патэнцыял партнёрства Беларусі і Расіі далёка не да канца рэалізаваны. "Узаемадзеянне ў рамках такіх форумаў садзейнічае таму, каб мы больш гандлявалі, больш актыўна развівалася інвестыцыйная дзейнасць, - заявіў ён. - Чаканні ад форума вельмі добрыя, і для гэтага ёсць падставы".
IV Форум рэгіёнаў Беларусі і Расіі пройдзе ў Маскве 29-30 чэрвеня і будзе прысвечаны супрацоўніцтву дзвюх краін у навукова-тэхнічнай і інавацыйнай сферах. Тут будуць прадстаўлены новыя тэхналогіі і ўзоры тэхнікі. Наведвальнікі выставы, якая будзе працаваць у дні форуму, змогуць пазнаёміцца і з моладзевымі праектамі. "Выдатна, што ў мерапрыемствах форуму вельмі актыўна ўдзельнічае моладзь", - адзначыў Міхаіл Мясніковіч.
Што за таемнымі дзвярыма?