Вы тут

Новыя маячкі, на якія давядзецца арыентавацца абітурыентам 2018 года


Спрашчэнне тэстаў, пра якое казалі як сёлетнія выпускнікі, так і рэпетытары, якія здзейснілі «разведку боем» і таксама паўдзельнічалі ў ЦТ, не магло не адбіцца на росце прахадных балаў. Вялікая колькасць уладальнікаў максімальных і вельмі высокіх балаў ЦТ абумовіла надзвычай вострую канкурэнцыю паміж імі, асабліва на прэстыжных у моладзі спецыяльнасцях. На некаторых з іх прахадныя балы сёлета проста зашкальваюць...


Так, на факультэт міжнародных адносін у БДУ падалі дакументы 9 абітурыентаў, якія маюць у суме больш як 391 бал, і 29 чалавек, якія маюць больш за 381 бал.

На юрыдычным факультэце больш як 381 бал маюць 10 чалавек, такія ж вынікі ёсць і сярод тых, хто паступае на факультэт прыкладной матэматыкі і інфарматыкі, механіка-матэматычны, хімічны і філалагічны факультэты, факультэт філасофіі і сацыяльных навук, радыёфізікі і камп'ютарных тэналогій, у Інстытут бізнесу і менеджменту тэхналогій...

Усяго на дзённую бюджэтную форму навучання ў Белдзяржуніверсітэт было пададзена ад абітурыентаў 4433 заявы (летась — 3585) пры плане прыёму 2164 чалавекі (летась — 2207). Такім чынам, сярэдні конкурс па ўніверсітэце перавысіў 2 чалавекі на месца.

Сярод тых, хто падаў дакументы, без экзаменаў будуць залічаны 66 пераможцаў міжнародных і рэспубліканскіх алімпіяд, 3 лаўрэаты Спецыяльнага фонду Прэзідэнта Рэспублікі Беларусь.

Увогуле вынік вышэй за 300 балаў маюць 51,4% ад агульнай колькасці абітурыентаў БДУ. Сярод іх 92 абітурыенты, якія атрымалі на ЦТ 100-бальны вынік, а ў шасці абітурыентаў — два стабальныя сертыфікаты.

Па словах адказнага сакратара прыёмнай камісіі БДУ Вячаслава МАЛАФЕЕВА, усюды прахадныя балы будуць вышэйшыя за леташнія. На шэрагу спецыяльнасцяў скачок да мінулага года можа быць у раёне 100 (!) балаў. У ліку топавых сёлета спецыяльнасці факультэта прыкладной матэматыкі і інфарматыкі і хіміка-біялагічнага профілю. «У цэлым можна сказаць, што ў дыяпазоне сярэдніх балаў ад 220 да 300 прырост прахадных балаў у параўнанні з мінулым годам дасягае 30—50 пунктаў. На топавых спецыяльнасцях, дзе прахадныя балы складалі раней 350 і вышэй, таксама адбыўся істотны рост», — адзначыў Вячаслаў Малафееў. Нагадаем, што летась прахадны бал на ФМА вагаўся, у залежнасці ад спецыяльнасці, ад 361 («менеджмент у сферы міжнароднага турызму») да 382 («міжнародныя адносіны», «міжнароднае права») з 400 магчымых.

У Мінскім дзяржаўным медыцынскім універсітэцэ на лячэбны факультэт падалі дакументы 5 абітурыентаў, якія маюць больш як 391 бал, 24 абітурыенты, у якіх больш як 381 бал, і 50 чалавек, якія набралі больш як 371 бал. На стаматалагічным факультэце двое маюць больш як 391 бал і 7 чалавек — больш як 381 бал.

Абітурыенты з сумай балаў больш як 391 ёсць таксама і ў Мінскім дзяржаўным лінгвістычным універсітэце на перакладчыцкім факультэце. Між іншым, ужо ўчора на сайце гэтай ВНУ з'явіліся спісы рэкамендаваных да залічэння на бюджэтную форму навучання.

Надзея НІКАЛАЕВА

nіkаlаеvа@zvіаzdа.bу

Загаловак у газеце: За некалькі крокаў да максімальнага бала

Выбар рэдакцыі

Грамадства

Карэспандэнт «Звязды» высвятляла, чаму так цёмна на асветленых вуліцах Магілёва

Карэспандэнт «Звязды» высвятляла, чаму так цёмна на асветленых вуліцах Магілёва

Вечарам прайсціся ўздоўж цэнтральнай вуліцы Першамайскай у Магілёве адно задавальненне.

Спорт

Баскетбаліст Бенджамін-Павел Дуду: У Гане мяне называлі белым

Баскетбаліст Бенджамін-Павел Дуду: У Гане мяне называлі белым

Мама Бена — беларуска, тата — ураджэнец Ганы.

Эканоміка

Куды звяртацца, калі грамадзяніну затрымліваюць зарплату?

Куды звяртацца, калі грамадзяніну затрымліваюць зарплату?

Адказ на гэта і іншыя пытанні — у гутарцы з Дзмітрыем Шаўчуком.