24 Люты, субота

Вы тут

Міністэрства адукацыі пераходзіць у воблака beСloud


Інтэрнэт-партал мінадукацыі www.edu.gov.by пераходзіць на рэсурсы Рэспубліканскай воблачнай платформы кампаніі beCloud. Супрацоўніцтва прадугледжвае развіццё высокавытворчых лічбавых рашэнняў і воблачных сэрвісаў у галіне адукацыі на базе FusionCloud кампаніі Huawei, генеральнага падрадчыка Рэспубліканскай воблачнай платформы.


“Калі раней Міністэрства адукацыі было вымушана разгортваць інфраструктуру на сваіх серверах, то цяпер у яго з’явілася магчымасць захоўваць уласныя рэсурсы і рэзервовыя копіі на аддаленай пляцоўцы, — аб інфраструктуры цяпер будзе клапаціцца beCloud, — кажа генеральны дырэктар beCloud Сяргей ПАБЛАГУЕЎ. — У арганізацыі больш не будзе неабходнасці набываць, устанаўліваць і падтрымліваць дарагія сістэмы захоўвання”. Віртуальная інфраструктура — адзін з самых распаўсюджаных сцэнарыяў выкарыстання воблачных тэхналогій. Можна размяшчаць вэб-старонкі на фізічных машынах, але гэта можа выклікаць праблемы пры ўкараненні новых сэрвісаў і функцый. Аднак калі заказчык атрымлівае магчымасць работы ў воблаку, ён не будзе мець цяжкасцяў, напрыклад, пры маштабіраванні свайго рашэння.

Лічбавая трансфармацыя грамадскага жыцця стала асноўным трэндам апошніх гадоў. Воблачная платформа beCloud размешчана на базе Рэспубліканскага цэнтра апрацоўкі даных з выкарыстаннем інфраструктуры Адзінай сеткі перадачы даных. Дата-цэнтр beCloud — адзін з найбольш сучасных і надзейных ва Усходняй Еўропе. Воблачная платформа разгорнута на базе дата-цэнтра для прадастаўлення доступу да воблачных сэрвісаў усім дзяржаўным органам, а таксама камерцыйным кампаніям.  

Святлана БАРЫСЕНКА

Дадаць каментар

Выбар рэдакцыі

Грамадства

Надзея для Вары

Надзея для Вары

Калi хварэюць блiзкiя, гэта заўсёды гора, але няма гора большага, чым калi хварэюць дзецi. 

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.